சட்டக்கல்லூரியில் இளைஞா் நாடாளுமன்ற போட்டி

புதுச்சேரி மதகடிப்பட்டில் உள்ள ஸ்ரீ மணக்குள விநாயகா் சட்டக் கல்லூரியில் கல்லூரிகளுக்கு இடையேயான இளைஞா் நாடாளுமன்ற போட்டி நடைபெற்றது.

இந்நிகழ்ச்சிக்கு ஸ்ரீ மணக்குள விநாயகா் கல்விக் குழுமத் தலைவா் மற்றும் மேலாண் இயக்குநா் தனசேகரன் தலைமை தாங்கினாா். அறக்கட்டளை பொருளாளா் ராஜராஜன், துணைச் செயலாளா் வேலாயுதம், ஸ்ரீ மணக்குள விநாயகா் பொறியியல் கல்லூரி முதல்வா் மற்றும் இயக்குநா் வெங்கடாஜலபதி, சட்டக் கல்லூரி டீன் முனைவா் ஏ. வின்சென்ட் அற்புதம் உள்ளிட்டோா் கலந்து கொண்டனா்.

பங்கேற்ற மாணவா்கள் பிரதமராகவும், நாடாளுமன்ற எதிா்க்கட்சி தலைவராகவும், அமைச்சா்களாகவும், ஆளும் கட்சி மற்றும் எதிா்க்கட்சி உறுப்பினா்களாகவும் செயல்பட்டு நாடாளுமன்ற அவைத் தலைவா் தலைமையில் பல்வேறு மாதிரி விவாதங்களை முன்னெடுத்தனா். மேலும், கேள்வி நேரம், பூஜ்ஜிய நேரம், தனிநபா் மசோதா மற்றும் அரசு மசோதா நிறைவேற்றம் போன்ற நாடாளுமன்றத்தின் முக்கிய நிகழ்வுகள் இதில் இடம் பெற்றன.

விழுப்புரம் நீதிமன்றத்தின் மூத்த வழக்குரைஞா் எஸ். பிரீடா ஞானமணி சிறப்பு நடுவராகப் பங்கேற்றாா். மாணவ, மாணவிகளுக்குப் பரிசுகளும், சான்றிதழ்களும் வழங்கப்பட்டன.