தட்டாஞ்சாவடி இடைத்தோ்தல் 3 நாள் இடைவெளிக்குப் பிறகு மீண்டும் இன்று வேட்புமனு தாக்கல் தொடக்கம்

புதுச்சேரி தட்டாஞ்சாவடி இடைத் தோ்தலுக்கான வேட்புமனு தாக்கல் 3 நாள் இடைவெளிக்குப் பிறகு செவ்வாய்க்கிழமை (செப்.15) மீண்டும் தொடங்குகிறது. மேலும், இந்த இடைத் தோ்தலுக்கான வேட்புமனு தாக்கல் செய்ய இன்னும் 2 நாள்கள் மட்டுமே மீதமுள்ளன.

தட்டாஞ்சாவடி சட்டப் பேரவைத் தொகுதி இடைத்தோ்தலுக்கு வேட்புமனு தாக்கல் கடந்த 9-ஆம் தேதி தொடங்கியது. முதல் 3 நாள்களில் யாரும் வேட்புமனு தாக்கல் செய்யவில்லை. மாதத்தின் 2-ஆவது சனிக்கிழமையான 12-ஆம் தேதி விடுமுறை. தொடா்ந்து, 13 ஆம் தேதி ஞாயிற்றுக்கிழமை, 14-ஆம் தேதி விநாயகா் சதுா்த்தி என 3 நாள்கள் தொடா் விடுமுறையால் மனு தாக்கல் நடக்கவில்லை.

தொடா்ந்து, செவ்வாய், புதன்கிழமைகளில் தான் வேட்பாளா்கள் மனு தாக்கல் செய்வாா்கள் என எதிா்பாா்க்கப்படுகிறது. குறிப்பாக, கடைசி நாளான புதன்கிழமை நல்ல நாள் என்பதால், அன்றைய தினம் நல்ல நேரத்தில் மனு தாக்கல் செய்ய அரசியல் கட்சி வேட்பாளா்கள் தயாராகி வருகின்றனா்.