கூட்டுறவு வங்கி நிர்வாகக் குழு கூட்டம்

திண்டிவனம் கூட்டுறவு நகர வங்கியின் நிர்வாகக் குழு கூட்டம் வெள்ளிக்கிழமை நடைபெற்றது.

வங்கியின் தலைவர் கே.சேகர் தலைமை வகித்தார். துணைத் தலைவர் சுதந்திராதேவி, மேலாண் இயக்குநர் கே.ராமச்சந்திரன், பொது மேலாளர் ஜி.விஜயகுமார், உதவி மேலாளர் எம்.செல்வம் முன்னிலை வகித்தனர். நிர்வாகக்குழு உறுப்பினர்கள் பி.கணேசன், எஸ்.துரை, எஸ்.ஜெயராமன், வி.சேட்டு, கே.ஜெயராமன் உள்ளிட்டோர் முன்னிலை வகித்தனர்.

இவ் வங்கியை நவீனமயமாக்கி திறந்த தமிழக முதல்வரின் பெயரில் வங்கி வளாகத்தில் கல்வெட்டு அமைப்பது, ஜூலை 2015 முதல் ஆகஸ்ட் 2015 வரையிலான வங்கி வரவு-செலவு கணக்குகளை அங்கீகரித்தல், வங்கியின் நிர்வாகக்குழு உறுப்பினராக கே.ஜெயராமன் தேர்ந்தெடுக்கப்பட்டதை அங்கீகரிப்பது என்பன உள்ளிட்ட தீர்மானங்கள் நிறைவேற்றப்பட்டன.