கொள்ளையடிக்கத் திட்டம்: இருவர் கைது

விழுப்புரம் பகுதியில் கொள்ளையடிப்பதற்கு சதித் திட்டம் தீட்டியதாக வியாழக்கிழமை இருவர் கைது செய்யப்பட்டனர்.

 விழுப்புரம் தாலுகா காவல் ஆய்வாளர் பழனி தலைமையிலான போலீஸார் ஜானகிபுரம் பகுதியில் ரோந்துப் பணியில் ஈடுபட்டனர். அப்போது அங்கு மரத்தடியில் 5 பேர் அமர்ந்திருந்தனர்.

 அவர்களிடம் போலீஸார் விசாரணை நடத்த முயன்றபோது, 3 பேர் தப்பியோடிவிட்டனர். எஞ்சிய இருவரைப் பிடித்து போலீஸார் விசாரித்ததில் அவர்கள் வேலியம்பாக்கம் ராமதாஸ் (28), கண்டம்பாக்கம் சிலம்பரசன் (22) எனத் தெரியவந்தது.

 மேலும், 5 பேரும் இணைந்து விழுப்புரம் பகுதியில் கொள்ளையடிக்க திட்டம் தீட்டியதும் தெரியவந்ததாம். இதையடுத்து போலீஸார் ராமதாஸ் உள்பட இருவரையும் கைது செய்தனர். தப்பியோடியவர்களை தேடி வருகின்றனர்.