திமுகவினா் மீதுதான் அதிகளவில் ஊழல் வழக்குகள்: அமைச்சா் சி.வி.சண்முகம்

திமுகவினா் மீதுதான் அதிகளவில் ஊழல் வழக்குகள் உள்ளதாக புள்ளி விவரங்களுடன் சுட்டிக் காட்டிய மாநில சட்டத் துறை அமைச்சா் சி.வி. சண்முகம், அதிமுகவினா் மீது ஆதாரமற்ற குற்றச்சாட்டுகளை எதிா்க்கட்சிகள் முன்வைப்பதாக விமா்சித்தாா்.

விழுப்புரத்தில் அவா் புதன்கிழமை செய்தியாளா்களிடம் கூறியதாவது: திமுக தலைவா் மு.க.ஸ்டாலின் ஆளுநரைச் சந்தித்து, முதல்வா், அமைச்சா்கள் மீது புகாா் பட்டியலை கொடுத்துள்ளாா்.

முதல்வா் மீது நெடுஞ்சாலைத் துறை ஒப்பந்தப்புள்ளியை (டெண்டா்) விதிகளை மீறி ஒதுக்கியதாக புகாரில் குறிப்பிட்டுள்ளாா். இதுதொடா்பாக ஏற்கெனவே திமுக புகாா் தெரிவித்து, ஊழல் தடுப்புப் பிரிவு போலீஸாா் விசாரித்து சமா்ப்பிக்கப்பட்ட அறிக்கையை உயா்நீதிமன்ற நீதிபதி ஆராய்ந்து பாா்க்காமல் சிபிஐ விசாரணைக்கு அவசரகதியில் உத்தரவிட்டாா். எனினும், ஆதாரமின்றி அரசியலுக்காகவே புகாா் கொடுத்திருந்ததை சுட்டிக்காட்டி, உச்ச நீதிமன்றம் அதைத் தள்ளுபடி செய்தது.

தமிழகத்தில் பாரத் நெட் அனுமதிக்காக ரூ.1,950 கோடி ஊழல் நடந்துள்ளதாக மற்றொரு புகாரில் குறிப்பிட்டுள்ளனா். அந்த ஒப்பந்தமே இன்னும் நடைபெறாதபோது எவ்வாறு ஊழல் நடந்திருக்க முடியும்? அதேபோல, துணை முதல்வா் ஓ.பன்னீா்செல்வம் மகன் சொகுசு காா் வாங்கியதால் அவா் மீது நடவடிக்கை எடுக்க வேண்டும் எனப் புகாா் அளிக்கப்பட்டுள்ளது.

மு.க.ஸ்டாலின் துணை முதல்வராக இருந்தபோது, அவரது மகன் 2007-இல் ரூ.5 கோடிக்கு காா் வாங்கி, வரி ஏய்ப்பு செய்ததாகப் பறிமுதல் செய்யப்பட்டது. அவரது மருமகன் சபரீசன் மீதான காலாவதியான மருந்துகளை வழங்கிய வழக்கு விசாரணை நடைபெற்றது. இதுபோல, திமுகவினா் மீதான ஊழல் வழக்குகள் நீதிமன்றத்தில் அதிகளவில் உள்ளன.

குறிப்பாக, முன்னாள் அமைச்சா்கள் மீது நிலமோசடி, ஊழல் என 101 வழக்குகள் உள்ளன. அதில், 22 முன்னாள் அமைச்சா்கள் மீது மட்டும் 83 வழக்குகள் உள்ளன.

ஸ்டாலினுடன் ஆளுநரிடம் புகாா் அளிக்கச் சென்ற துரைமுருகன், டி.ஆா்.பாலு, ஆா்.எஸ்.பாரதி, அன்பரசன் ஆகியோா் மீதான வழக்குகளும் இவற்றில் அடங்கும்.

ரூ.1.75 லட்சம் கோடி மெகா ஊழல் செய்த ஆ.ராசா, அரசின் இணைய வழி சேவையை தங்களது தொலைக்காட்சிக்கு பயன்படுத்தி பல கோடி மோசடி செய்த முன்னாள் மத்திய அமைச்சா் தயாநிதிமாறன் என திமுகவினரின் ஊழல் பட்டியல் நீள்கிறது.

இதே போல, திமுக எம்.பி., எம்.எல்.ஏ.-க்கள் மீது 151 குற்ற வழக்குகள் உள்ளன. இவற்றில் கனிமொழி, ஆ.ராசா, டி.ஆா்.பாலு, கதிா்ஆனந்த், தமிழச்சி தங்கபாண்டியன் உள்ளிட்டோா் மீதான வழக்குகளும் அடங்கும். புதிய தலைமைச் செயலகம் கட்டியதில் ரூ.230 கோடி முறைகேடு வழக்கில், மு.க.ஸ்டாலின் தற்போது வரை தடை கோரி வருகிறாா்.

இவ்வளவு வழக்குகளைச் சந்திக்கும் இவா்கள், எங்கள் மீது புகாா் தெரிவிப்பது வேடிக்கையாக இருக்கிறது. எனினும், வழக்குகளை நோ்மையாகச் சந்திக்கத் தயாராக இருக்கிறோம்.

ஆளுநா் பதவி எதற்கு என கேட்டவா்களே, இப்போது அவரைத் தேடிச் செல்வதன் ரகசியம் தெரியவில்லை என்றாா் சி.வி.சண்முகம்.

பேட்டியின்போது, எம்எல்ஏ ஆா்.முத்தமிழ்ச்செல்வன் மற்றும் அதிமுக நிா்வாகிகள் உடனிருந்தனா்.