செய்யாற்றில் இரு தம்பதிகள் வேட்புமனு

திருவத்திபுரம் (செய்யாறு) நகராட்சித் தோ்தலில் போட்டியிட இரு தம்பதிகள் வியாழக்கிழமை வேட்புமனு தாக்கல் செய்தனா்.

நகராட்சியில் அதிமுக, திமுக, நாம் தமிழா் கட்சி, சுயேட்சைகள் என 43 போ் வியாழக்கிழமை வேட்புமனு தாக்கல் செய்தனா்.

19 -ஆவது வாா்டில் போட்டியிடும் அதிமுக வேட்பாளா் கே.வெங்கடேசன், சுற்றுச்சுழலை பாதிக்காத வகையில் உடலுக்கு ஆரோக்கியத்தை வலியுறுத்தி, தனது வாா்டில் இருந்து சைக்கிளில் வந்து வேட்புமனு தாக்கல் செய்தாா்.

இரு தம்பதிகள் வேட்புமனு தாக்கல்:

செய்யாறு வெங்கட்ராயன்பேட்டை ஈ.வெ.ரா. பெரியாா் தெருவைச் சோ்ந்த ராஜேஷ்குமாா். இவா் 14 -ஆவது வாா்டிலும், இவரது மனைவி வளா்மதி 20-ஆவது வாா்டிலும் அதிமுக சாா்பில் போட்டியிட வேட்புமனு தாக்கல் செய்தனா்.

அதேபோல, சுயேச்சையாக போட்டியிட, செய்யாறு வைத்தியா் தெருவைச் சோ்ந்த ராஜேந்திரன் 18- ஆவது வாா்டிலும், இவரது மனைவி மலா் 20-ஆவது வாா்டிலும் வேட்புமனு தாக்கல் செய்தனா்.

மாற்றுத்திறனாளி வேட்பாளா்

நாம் தமிழா் கட்சி சாா்பில் வேட்புமனு தாக்கல் செய்ய வந்த மாற்றுத்திறனாளி தமிழரசி (37) இ-மொபெட்டில் வந்தாா்.

உதவித் தோ்தல் அலுவலா் குமாரிடம் மனுதாக்கல் செய்த பிறகு, அவருக்கு, தோ்தல் நடத்தும் அலுவலா் ரகுராமன் சா்க்கர நாற்காலி ஏற்பாடு செய்து கொடுத்தாா்.

தமிழரசி அதன் மூலம் அவரது மொபெட் இருந்த இடத்துக்கு அழைத்துச் செல்லப்பட்டாா்.