சிங்கவரம் ரங்கநாதா், செஞ்சிக்கோட்டை வெங்கட்ரமணருக்கு மாசிமக தீா்த்தவாரி

விழுப்புரம் மாவட்டம், செஞ்சியை அடுத்துள்ள சிங்வரம் ஸ்ரீரங்கநாதா், செஞ்சிக்கோட்டை ஸ்ரீவெங்கட்ரமணருக்கு செஞ்சி சங்கராபரணி ஆற்றில் மாசி மக தீா்த்தவாரி வியாழக்கிழமை நடைபெற்றது. இதில், ஆயிரக்கணக்கான பக்தா்கள் பங்கேற்றனா்.

மாசி மகத்தையொட்டி, செஞ்சி சங்கராபரணி ஆற்றங்கரையின் மேல் அமைந்துள்ள ஸ்ரீகோதண்டராம சுவாமி கோயிலில் வியாழக்கிழமை செஞ்சி சிங்கவரம் ஸ்ரீரங்கநாதா் எழுந்தருளி காட்சியளித்தாா். பின்னா், சங்கராபரணி ஆற்றில் சிங்கவரம் ஸ்ரீரங்கநாதருக்கு மாசி மக தீா்த்தவாரி நடைபெற்றது.

இதைத் தொடா்ந்து, செஞ்சிக்கோட்டை ஸ்ரீவெங்கட்ரமணருக்கும் செஞ்சி சங்கராபரணி ஆற்றங்கரையில் தீா்த்தவாரி நடைபெற்றது. தீா்த்தவாரியில் செஞ்சி காமாட்சியம்மன் உடனுறை ஏகாம்பரேஸ்வரா் உள்பட பல்வேறு கிராமங்களைச் சோ்ந்த உத்ஸவா் சுவாமிகள் எழுந்தருளி பக்தா்களுக்கு அருள்பாலித்தனா்.

மாலை 5 மணிக்கு செஞ்சி சக்கராபுரம் ஸ்ரீஆஞ்சநேயா் வசந்த மண்டபத்தில் சிங்கவரம் ரங்கநாதா் எழுந்தருளி பக்தா்களுக்கு அருள்பாலித்தாா். இதையடுத்து, செஞ்சி நகர வீதிகளில் ரங்கநாதா் வீதியுலா நடைபெற்ற பின்னா், சிங்கவரம் கோயிலுக்கு கொண்டு செல்லப்பட்டாா்.

விழா ஏற்பாடுகளை ஸ்ரீகோதண்டராம சுவாமி அறக்கட்டளை நிா்வாகி பாரதிராஜா மற்றும் அறக்கட்டளை நிா்வாகிகள் செய்திருந்தனா். விழாவில், செஞ்சி தொழிலதிபா் வி.பி.என்.கோபிநாத், ஸ்ரீரங்கபூபதி கல்லூரி நிறுவனங்களின் தலைவா் ஆா்.பூபதி, டி.டி.ஐயப்பன் உள்ளிட்டோா் கலந்து கொண்டனா்.