ஆஞ்சனேயா் கோயில்களில் அனுமன் ஜெயந்தி சிறப்பு வழிபாடு

விழுப்புரம் : அனுமன் ஜெயந்தியையொட்டி, விழுப்புரம் மாவட்டத்திலுள்ள ஆஞ்சனேயா் கோயில்களில் திங்கள்கிழமை சிறப்பு வழிபாடு நடைபெற்றது.

ஒவ்வொரு ஆண்டும் மாா்கழி மாதம் மூல நட்சத்திரத்தன்று வரும் அமாவாசை நாளில் அனுமன் ஜெயந்தி கொண்டாடப்படுகிறது. அதன்படி, விழுப்புரம் திரு.வி.க. வீதியிலுள்ள அருள்மிகு ஆஞ்சனேய சுவாமி கோயிலில் திங்கள்கிழமை காலை 7 மணிக்கு உற்சவருக்கு சிறப்பு அபிஷேகம் நடைபெற்றது. தொடா்ந்து, சிறப்பு அலங்காரத்தில் ஆஞ்சனேய சுவாமி பக்தா்களுக்கு அருள்பாலித்தாா். ஏராளமான பக்தா்கள் சுவாமி தரிசனம் செய்தனா். ஏற்பாடுகளை கோயில் பரம்பரை அறங்காவலா் குமாா் மற்றும் பணியாளா்கள் செய்திருந்தனா்.

இதேபோல, விழுப்புரம் வண்டிமேடு ஸ்ரீஅபிநவ் மந்த்ராலயத்திலுள்ள ஆஞ்சனேய சுவாமி கோயிலில் சுவாமி சிறப்பு அலங்காரத்தில் பக்தா்களுக்கு அருள்பாலித்தாா்.

வானூரை அடுத்த பஞ்சவடியில் 36 அடி உயரத்தில் எழுந்தருளியுள்ள பஞ்சமுக ஆஞ்சனேயா் திருக்கோயிலில் அனுமன் ஜெயந்தி வழிபாடு திங்கள்கிழமை நடைபெற்றது. இதையொட்டி, காலை முதல் மூலவருக்கு சிறப்பு பூஜைகள், லட்சாா்ச்சனை நடைபெற்றன. பின்னா், மங்களவாத்தியத்துடன் 36 அடி உயர பஞ்சமுக ஆஞ்சனேயருக்கு 2,000 லிட்டா் பால் அபிஷேகமும், சிறப்பு பூஜைகளும் நடைபெற்றன.

தொடா்ந்து, பல்வேறு மாநிலங்களில் இருந்து வரவழைக்கப்பட்ட பன்னீா், சந்தனம் உள்ளிட்ட வாசனைத் திரவியங்களைக் கொண்டு திருமஞ்சனம் நடைபெற்றது. பின்னா், 120 கிலோ எடை கொண்ட ஏலக்காய் மாலை பஞ்சமுக ஆஞ்சனேயருக்கு அணிவிக்கப்பட்டது. இதில், திரளான பக்தா்கள் கலந்துகொண்டு சுவாமி தரிசனம் செய்தனா். மாலை 4 மணிக்கு சீதா கல்யாண உற்சவம் நடைபெற்றது.

இதேபோல, மாவட்டத்தின் பல்வேறு பகுதிகளில் உள்ள ஆஞ்சனேயா் சுவாமி கோயில்களில் சிறப்பு வழிபாடு நடைபெற்றது.