விக்கிரவாண்டி இடைத்தோ்தல் நியாயமான முறையில் நடைபெறவில்லை -அன்புமணி ராமதாஸ்

விக்கிரவாண்டி சட்டப்பேரவைத் தொகுதி இடைத்தோ்தல் நியாயமான முறையில் நடைபெறவில்லை என்று பாமக தலைவா் அன்புமணி ராமதாஸ் தெரிவித்தாா்.

விக்கிரவாண்டி இடைத்தோ்தலில் பாமகவுக்கு வாக்காளித்த வாக்காளா்கள், தோ்தல் பணியாற்றிய தேசிய ஜனநாயகக் கூட்டணி கட்சிகளின் நிா்வாகிகளுக்கு நன்றி தெரிவிப்புக் கூட்டம் விழுப்புரம் மாவட்டம், விக்கிரவாண்டியில் புதன்கிழமை நடைபெற்றது.

கூட்டத்தில் அன்புமணி ராமதாஸ் பேசியதாவது:

விக்கிரவாண்டி இடைத்தோ்தலில் திமுகவுக்காக மக்கள் வாக்களிக்கவில்லை. கொடுத்த பணத்துக்காகவே அந்தக் கட்சிக்கு வாக்களித்துள்ளனா். இந்தத் தோ்தல் நியாயமான முறையில் நடைபெற்றிருந்தால், திமுக வைப்புத்தொகையைக் கூட இழந்திருக்கும். பண பலம், அடக்குமுறைகளை மீறி பாமகவுக்கு வாக்களித்தவா்களுக்கு நன்றி.

இடைத்தோ்தல் முடிவுக்குப் பின்னா் மின் கட்டண உயா்வுக்கான அறிவிப்பை தமிழக அரசு வெளியிட்டுள்ளது. திமுக ஆட்சிக்கு வந்த பின்னா் 3 முறை மின் கட்டணம் உயா்த்தப்பட்டுள்ளது. அதிமுக ஆட்சிக் காலத்தில் மின் கட்டணம் உயா்த்தப்பட்ட போது எதிா்ப்புத் தெரிவித்த திமுக, தோ்தல் நேரத்தில் அளித்த வாக்குறுதிகளை நிறைவேற்றவில்லை.

திமுக மீது மக்கள் கடும் கோபத்தில் உள்ளனா். இந்த ஆட்சியில் நடைபெறும் கள்ளச்சாராயம் உள்ளிட்ட மக்கள் விரோத செயல்பாடுகளை பொதுமக்களிடம் எடுத்துக் கூறுவோம்.

காவிரி நதிநீா் பிரச்னையை தமிழக அரசு முறையாக கையாளவில்லை. இதற்கு நிரந்தரத் தீா்வு காண நிா்வாகக் குழுவை அமைக்க வேண்டும். தமிழகத்தில் நடைபெறும் தொடா் கொலைகள், கள்ளச்சாராயம் விற்பனையால் சட்டம் - ஒழுங்கு சீா்கெட்டுள்ளது. மதுவை இணையவழியில் விற்கும் நடைமுறைக்கு தமிழக அரசு அனுமதி அளித்துவிடக்கூடாது. கல்வி, நீா் மேலாண்மைக்கு முக்கியத்துவம் அளிக்க வேண்டும் என்றாா் அவா்.

கூட்டத்தில் பாமக செய்தித் தொடா்பாளா் க.பாலு, மாநிலப் பொருளாளா் திலகபாமா, மயிலம் எம்எல்ஏ ச.சிவக்குமாா், வன்னியா் சங்க மாநில துணைத் தலைவா் சி.அன்புமணி, பாஜக மாநிலச் செயலா் மீனாட்சி நித்திய சுந்தா், விழுப்புரம் தெற்கு மாவட்டத் தலைவா் வி.ஏ.டி.கலிவரதன், ஓபிஎஸ் அணி நிா்வாகி ஏழுமலை, முன்னாள் எம்எல்ஏ கணபதி, தமாகா மாவட்டத் தலைவா் தசரதன் ஆகியோா் பேசினா்.

பாமக உள்ளிட்ட தேசிய ஜனநாயகக் கூட்டணிக் கட்சிகளின் நிா்வாகிகள், கட்சியினா் கலந்துகொண்டனா்.