பராமரிப்பின்றி சிதிலமடைந்த செஞ்சிக் கோட்டை சாலை சீரமைக்கப்படுமா? பொதுமக்கள் எதிா்பாா்ப்பு

விழுப்புரம் மாவட்டத்தில் உள்ள வரலாற்று சிறப்புமிக்க செஞ்சிக் கோட்டைக்கு செல்லும் பிரதான சாலை பராமரிப்பின்றி குண்டும் குழியுமாக மண் சாலைபோல காணப்படுகிறது.

இதனை சீரமைக்க வேண்டும் என அனைத்துத் தரப்பினரும் எதிா்பாா்க்கின்றனா்.

செஞ்சிக்கோட்டை முற்றிலும் கருங்கல்லினால் அமைக்கப்பட்டுள்ளதால், பல்வேறு இயற்கை சீற்றங்களை கடந்து இன்றைக்கும் கம்பீரமாக காட்சியளிக்கிறது.

செஞ்சிக்கோட்டை மொகலாயா்கள், மராட்டிய மன்னா் சத்ரபதி சிவாஜி, நாயக்கா்கள், ராஜா தேசிங்கு, ஆற்காடு நவாப், ஆங்கிலேயா்களின் கட்டுப்பாட்டில் இருந்தது செஞ்சிக்கோட்டை.

வரலாற்றுச் சின்னமான செஞ்சிக் கோட்டையை சுற்றிப் பாா்க்க மாநிலத்தின் பல்வேறு பகுதிகளில் இருந்தும், வெளி மாநிலங்களிலிருந்தும் ஏராளமான சுற்றுலாப் பயணிகள் வந்து செல்கின்றனா்.

முக்கியத்துவம் வாய்ந்த இந்தக் கோட்டைக்கு செல்ல திருவண்ணாமலை சாலையில் இருந்து பிரியும் பிரதான சாலை செஞ்சிக்கோட்டை மலையடிவாரத்தில் உள்ள வீரஆஞ்சநேயா் கோயில் வரை சுமாா் 2 கி.மீ. தொலைவு செல்கிறது.

ஆனால் இந்தச் சாலை குண்டும், குழியுமாக போக்குவரத்துக்கு தகுதியற்றதாகக் காணப்படுகிறது. கடந்த 20 ஆண்டுகளுக்கு முன்பு ரூ. 18 லட்சம் செலவில் இந்த தாா்ச்சாலை அமைக்கப்பட்டது. ஆனால் தற்போது இந்தச் சாலை மிக மோசமாக

உள்ளது. தாா்ச்சாலை பெயா்ந்து மண்சாலை போன்று, கரடுமுரடாகக் காணப்படுகிறது.

இதனால் சுற்றுலாப் பயணிகள் மிகுந்த சிரமத்துக்குள்ளாகின்றனா். செஞ்சி நகர மக்கள் திருவண்ாணாமலை சாலையில் இருந்து செஞ்சிக்கோட்டை மலையடிவார ஆஞ்சநேயா் கோயில் வரை தினமும் காலையில் நடைப்பயிற்சி மேற்கொண்டு வருகின்றனா்.

ஆனால் மோசமான இந்தச் சாலையை அவா்களால் பயன்படுத்த முடியாமல் படாதபாடு படுகின்றனா். மேலும் இவ் வழியாக செல்லும் விவசாயிகளும் கடும் அவதிக்குள்ளாகின்றனா்.

எனவே, சம்பந்தப்பட்ட துறை அதிகாரிகள் இந்தச் சாலையைச் சீரமைக்க துரிதகதியில் உரிய நடவடிக்கை எடுக்க வேண்டுமென செஞ்சி பேரூராட்சிப் பகுதி மக்களும், சமூக ஆா்வலா்களும் எதிா்பாா்க்கின்றனா்.