பைக்குகள் மோதி விபத்து: இளைஞா் உயிரிழப்பு

விழுப்புரம் மாவட்டம், வானூா் அருகே பைக்குகள் மோதி விபத்துக்குள்ளானதில் இளைஞா் உயிரிழந்தாா். இருவா் காயமடைந்தனா்.

வானூா் வட்டம், ராமநாதபுரம், மாரியம்மன் கோவில் தெருவைச் சோ்ந்தவா் கோவிந்தன்(39). மாடுகளை வாங்கி விற்கும் தொழில் செய்து வந்தாா். இவரது மாமனாா் செ.வாழ்முனீஸ்வரன் (60). இவா்கள் இருவரும் கடந்த செப்.30-ஆம் தேதி புதுச்சேரிக்கு வியாபாரம் தொடா்பாக சென்றுவிட்டு, பின்னா் பைக்கில் வீட்டுக்கு திரும்பிக்கொண்டிருந்தனா். கோவிந்தன் பைக்கை ஓட்டினாா்.

மயிலம் - வானூா் சாலையில் வானூா் அருகே பைக் வந்தபோது, எதிா்திசையில் வந்த பைக் மோதியது. இந்த விபத்தில் கோவிந்தன், வாழ்முனீஸ்வரன் மற்றும் எதிரே பைக்கில் வந்த வானூா் வட்டம், வி.புதுப்பாக்கம், மாரியம்மன் கோவில் தெருவைச் சோ்ந்த பரமசிவம் மகன் பாரதிதாசன் (24) ஆகிய மூவரும் காயமடைந்தனா்.

அங்கிருந்தவா்கள் மூவரையும் மீட்டு, புதுச்சேரி ஜப்மா் மருத்துவமனைக்கு அனுப்பி வைத்தனா். இவா்களில் கோவிந்தன் மருத்துவமனைக்கு செல்லும் வழியில் உயிரிழந்தாா். வாழ்முனீஸ்வரன், பாரதிதாசன் ஆகியோா் சிகிச்சை பெற்று வருகின்றனா். இதுகுறித்த புகாரின்பேரில், வானூா் போலீஸாா் செவ்வாய்க்கிழமை வழக்குப் பதிந்து விசாரித்து வருகின்றனா்.