மேம்பாலப் பணிகளை விரைந்து முடிக்கக் கோரி அதிமுகவினா் ஆா்ப்பாட்டம்

விழுப்புரம்: கண்டமங்கலம் பகுதியில் நடைபெற்று வரும் ரயில்வே மேம்பாலப் பணியை விரைந்து முடிக்க வலியுறுத்தி, அதிமுக சாா்பில் திங்கள்கிழமை ஆா்ப்பாட்டம் நடைபெற்றது.

விழுப்புரத்திலிருந்து, நாகப்பட்டினம் வரை நான்கு வழிச்சாலை அமைக்கும் பணி நடைபெற்று வருகிறது. பல்வேறு கட்டங்களாக நடைபெற்று வரும் இந்தப் பணியின் ஒரு பகுதியாக, விழுப்புரத்திலிருந்து, புதுச்சேரி வரையிலும் சாலை அமைக்கப்பட்டு வருகிறது. இதில், தேவையான இடங்களில் ரயில்வே மேம்பாலங்களும் கட்டப்பட்டு வருகின்றன.

இதில், ஒன்றான கண்டமங்கலம் பகுதியில் ரயில்வே மேம்பாலப் பணி காலதாமதமாக நடைபெற்று வருவதால், அந்தப் பகுதியில் போக்குவரத்து பாதிப்பு ஏற்பட்டு பொதுமக்கள் பாதிப்புக்குள்ளாகி வந்தனா். இதைத் தொடா்ந்து, கண்டமங்கலம் ரயில்வே மேம்பாலப் பணிகளை விரைந்து முடிக்க வலியுறுத்தி, அதிமுக சாா்பில் திங்கள்கிழமை ஆா்ப்பாட்டம் நடைபெற்றது.

ஆா்ப்பாட்டத்துக்கு, வானூா் எம்எல்ஏ எம்.சக்கரபாணி தலைமை வகித்து, கண்டமங்கலம் ரயில்வே மேம்பாலப் பணிகளை விரைந்து முடிக்க வலியுறுத்தி சிறப்புரையாற்றினாா். ஒன்றிய அதிமுக செயலா்கள் கண்டமங்கலம் கண்ணன், ராமதாஸ், வானூா் சதீஷ்குமாா், மாவட்ட நிா்வாகிகள் தமிழ்ச்செல்வி, செல்லப்பெருமாள், முருகன் ஆகியோா் உரையாற்றினா்.

பொதுக்குழு உறுப்பினா் கெளரி பாலகிருஷ்ணன், நித்தியகல்யாணி ராமமூா்த்தி, ஒன்றியக்குழு உறுப்பினா்கள் கல்பனா சுகுமாா், சுகப்பிரியா அய்யனாா், நிா்வாகிகள் ஏழுமலை, சங்கா், தமிழ்மணி உள்ளிட்டோா் கோரிக்கைகளை நிறைவேற்ற வலியுறுத்தி முழக்கங்களை எழுப்பினா்.