பள்ளி வேன் மீது காா் மோதி விபத்து

கள்ளக்குறிச்சி மாவட்டம், உளுந்தூா்பேட்டை அருகே பள்ளி வேன் மீது காா் மோதி விபத்துக்குள்ளானது. இதில் மாணவா்களுக்கு காயம் ஏதும் ஏற்படவில்லை.

உளுந்தூா்பேட்டை வட்டம், சேந்தமங்கலம் பகுதியிலுள்ள தனியாா் பள்ளியில் படித்து வரும் 30 மாணவா்களை ஏற்றிக்கொண்டு, வியாழக்கிழமை காலை வேன் சென்று கொண்டிருந்தது. இந்த வேனை திருநாவலூா் பிரதான சாலையைச் சோ்ந்த கே.கா்ணன் (38) ஓட்டிச் சென்றாா்.

சென்னை-திருச்சி தேசிய நெடுஞ்சாலையில், வண்டிப்பாளையம் பகுதியிலுள்ள தனியாா் உணவகப் பகுதியிலுள்ள சாலை சந்திப்புப் பகுதியில், பள்ளிக்கு வருவதற்காக ஓட்டுநா் வேனை திருப்ப முயற்சித்தாா். அப்போது சென்னையிலிருந்து திருச்சி நோக்கிச் சென்ற காா், பள்ளி வேன் மீது மோதியது. இதில் வேனின் பின்பகுதியில் சேதம் ஏற்பட்டது. வேனிலிருந்த மாணவா்கள் யாருக்கும் காயம் ஏற்படவில்லை.

விபத்து குறித்து தகவலறிந்த திருநாவலூா் போலீஸாா் நிகழ்விடம் சென்று விசாரணை நடத்தினா். மேலும், பள்ளி நிா்வாகம் சாா்பில் மாற்று வேன் அனுப்பப்பட்ட நிலையில், அதில் மாணவா்கள் பள்ளிக்குப் புறப்பட்டுச் சென்றனா்.

இதுகுறித்து திருநாவலூா் போலீஸாா் வழக்குப் பதிவு செய்து, விசாரணை நடத்தி வருகின்றனா்.