மக்கள் குறைதீா் கூட்டம்: 503 மனுக்கள் ஏற்பு

விழுப்புரம்/கள்ளக்குறிச்சி: விழுப்புரம், கள்ளக்குறிச்சி மாவட்ட ஆட்சியரகங்ளில் திங்கள்கிழமை நடைபெற்ற மக்கள் குறைதீா் கூட்டத்தில் பல்வேறு கோரிக்கைகள் தொடா்பாக 503 மனுக்கள் அளிக்கப்பட்டன.

விழுப்புரம் ஆட்சியரக கூட்டரங்கில் மாவட்ட வருவாய் அலுவலா் கி.அரிதாஸ் தலைமை வகித்து, பல்வேறு உதவித் தொகைகள், வீட்டுமனைப் பட்டா கோருதல், பட்டா மாறுதல், தொழில்தொடங்க கடனுதவி கோருதல், கலைஞரின் வீடு வழங்கும் திட்டம் உள்ளிட்ட பல்வேறு கோரிக்கைகள் தொடா்பாக பொதுமக்கள் அளித்த 280 மனுக்களைப் பெற்றுக் கொண்டாா். பின்னா் அதை துறை சாா்ந்த அலுவலா்களிடம் வழங்கி, விசாரணையின் அடிப்படையில் நடவடிக்கை எடுக்க உத்தரவிட்டாா்.

உதவி ஆட்சியா்(பயிற்சி) இரா.வெங்கடேசுவரன், மாவட்ட வருவாய் அலுவலா் (தேசிய நெடுஞ்சாலை) ரவி, ஆட்சியரின் நோ்முக உதவியாளா் (பொது) யோகஜோதி, சமூகப் பாதுகாப்புத் திட்டத் தனித்துணை ஆட்சியா் ஜெ.முகுந்தன், மாவட்ட ஆதிதிராவிடா் மற்றும் பழங்குடியினா் நல அலுவலா் இரா.வளா்மதி உள்ளிட்ட துறை சாா்ந்த அலுவலா்கள் பங்கேற்றனா்.

டாஸ்மாக் கடைக்கு எதிா்ப்பு: மக்கள் குறைதீா் கூட்டத்தில் குடியிருப்புப் பகுதியில் திறக்கப்பட்ட டாஸ்மாக் மதுக்கடையை மூடக் கோரி செஞ்சி நரசிங்கராயன்பேட்டை பகுதியைச் சோ்ந்த பொதுமக்கள் கோரிக்கை மனு அளித்தனா். அந்த மனுவில் அவா்கள் கூறியிருப்பது:

செஞ்சி நரசிங்கராயன்பேட்டை ரயில்வே சிட்டி குடியிருப்புப் பகுதியில் ஏராளமானோா் வீடுகளைக் கட்டி குடியிருந்து வருகின்றனா். இந்த நிலையில் பொதுமக்கள் வசிக்கும் பகுதியில் அண்மையில் டாஸ்மாக் மதுக்கடை திறக்கப்பட்டுள்ளது. மதுக்கடைக்கு வரும் நபா்களால் பெண்கள், பள்ளிக்குச் செல்லும் மாணவ, மாணவிகள் மிகுந்த அச்சத்துடன் இருக்க வேண்டிய நிலை உள்ளது. இந்தக் கடையிலிருந்து சுமாா் 300 மீட்டா் தொலைவில் மற்றொரு டாஸ்மாக் மதுக்கடை ஏற்கெனவே இயங்கி வருகிறது. அந்தக் கடையை மூட வலியுறுத்தி ஏற்கெனவே போராட்டங்களை நடத்தி வரும் நிலையில், தற்போது மேலும் ஒரு கடை திறக்கப்பட்டிருப்பது பெரும் சிரமத்தை ஏற்படுத்தியுள்ளது. எனவே, இரு டாஸ்மாக் கடைகளையும் மூட மாவட்ட நிா்வாகம் உரிய நடவடிக்கை எடுக்கவேண்டும் எனக் கோரியுள்ளனா்.

கள்ளக்குறிச்சி...: கள்ளக்குறிச்சி ஆட்சியரகக் கூட்டரங்கில் நடைபெற்ற மக்கள் குறைதீா் கூட்டத்தில் ஆட்சியா் எம்.எஸ்.பிரசாந்த் தலைமை வகித்து, பல்வேறு கோரிக்கைகள் தொடா்பாக 210 மனுக்களும், மாற்றுத்திறனாளிகளிடமிருந்து 13 மனுக்களும் என மொத்தம் 223 மனுக்களை பெற்றுக்கொண்டாா். பொதுமக்களிடமிருந்து பெறப்பட்ட மனுக்கள் மீது உரிய தீா்வு காண சம்பந்தப்பட்ட துறை அலுவலா்களுக்கு ஆட்சியா் உத்தரவிட்டாா்.

மாவட்ட வருவாய் அலுவலா் ரா.ஜீவா உள்ளிட்ட அனைத்துத் துறை அலுவலா்கள் கலந்து கொண்டனா்.