இன்று கரையைக் கடக்கிறது ‘அக்வான்’ புயல்: 1 லட்சத்துக்கும் மேற்பட்டோா் பாதுகாப்பான இடங்களில் தங்கவைப்புகாற்றின் தரம் ‘மோசம்’ பிரிவில் 280 ஆக உயா்வு: நாளைவரை ‘மிக மோசம்’ பிரிவுக்கு செல்ல வாய்ப்பு100 புதிய மின்சார பேருந்துகள் இன்று அறிமுகம்: மொத்த பேருந்துகளின் எண்ணிக்கை 7,000-ஐ தாண்டியது ராகுலை விட ‘ஏஐ’ சிறப்பாகச் செயல்படும்! பாஜக விமா்சனம்இந்தியா்களுக்கு ‘விசா’ சலுகை தொடராது: மலேசியா அறிவிப்பு

அவலூா்பேட்டையில் கோயில் நிலத்தை ஆக்கிரமித்து கட்டப்பட்டிருந்த 36 கடைகளுக்கு ‘சீல்’

விழுப்புரம் மாவட்டம், மேல்மலையனூா் வட்டம், அவலூா்பேட்டையில் முத்து விநாயகா் (எ) மொட்டைப் பிள்ளையாா் கோயிலுக்குச் சொந்தமான இடங்களை ஆக்கிரமித்து கட்டப்பட்டிருந்த 36 கடைகளுக்கு இந்து சமய அறநிலையத் துறை அதிகாரிகள் வியாழக்கிழமை ‘சீல்’ வைத்தனா்.

அவலூா்பேட்டையில் முத்து விநாயகா் கோயிலுக்குச் சொந்தமான இடத்தில் ஆக்கிரமித்து கட்டப்பட்டிருந்த கடைகளுக்கு ‘சீல்’ வைக்கும் பணியில் ஈடுபட்ட இந்து சமய அறநிலையத் துறை அதிகாரிகள்.

Updated On :

விழுப்புரம் மாவட்டம், மேல்மலையனூா் வட்டம், அவலூா்பேட்டையில் முத்து விநாயகா் (எ) மொட்டைப் பிள்ளையாா் கோயிலுக்குச் சொந்தமான இடங்களை ஆக்கிரமித்து கட்டப்பட்டிருந்த 36 கடைகளுக்கு இந்து சமய அறநிலையத் துறை அதிகாரிகள் வியாழக்கிழமை ‘சீல்’ வைத்தனா்.

விழுப்புரம் இணை ஆணையருக்கு சென்னை உயா்நீதிமன்றம் பிறப்பித்த உத்தரவின் அடிப்படையில், விழுப்புரம் இந்து சமய அறநிலையத் துறை அதிகாரி காந்தராஜன் தலைமையிலான அதிகாரிகள் கோயிலுக்குச் சொந்தமான 36 கடைகளைக் காலி செய்ய வைத்து, அவற்றுக்கு ‘சீல்’ வைத்தனா். உதவி மின் பொறியாளா் மணியரசு தலைமையிலான மின் வாரிய ஊழியா்கள் கடைகளுக்கு மின் இணைப்புகளை துண்டிக்கும் பணியில் ஈடுபட்டனா்.

மேலும், இக்கோயிலுக்குச் சொந்தமான 190 சதுர அடி பரப்பளவிலான இடத்திலிருந்த ஆக்கிரமிப்பும் அகற்றப்பட்டு, மீட்கப்பட்ட இடம் திருக்கோயில் நிா்வாகத்தின் சுவாதீனத்துக்கு கொண்டுவரப்பட்டது.

இந்த நடவடிக்கையை முன்னிட்டு, செஞ்சி டி.எஸ்.பி. ரமேஷ் ராஜ் தலைமையில், அவலூா்பேட்டை காவல் ஆய்வாளா் பாா்த்தசாரதி மற்றும் 100-க்கும் மேற்பட்ட போலீஸாா் அப்பகுதியில் பலத்த பாதுகாப்புப் பணியில் ஈடுபட்டிருந்தனா். மீட்கப்பட்ட திருக்கோயில் இடத்தில் எவரேனும் அத்துமீறி நுழைந்தால், அவா்கள் மீது சட்டப்படி கடும் நடவடிக்கை எடுக்கப்படும் எனத் கோயில் நிா்வாகம் சாா்பில் எச்சரிக்கை விடுக்கப்பட்டுள்ளது.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.