வி.சாலையில் தவெக மாநாடு தினம் கொண்டாட்டம்

விழுப்புரம் மாவட்டம், வி.சாலையில் தமிழக வெற்றிக் கழக மாநாடு தினத்தையொட்டி செவ்வாய்க்கிழமை கட்சிக் கொடியேற்றி, பொதுமக்களுக்கு மரக்கன்று, இனிப்புகள் வழங்கப்பட்டன.

விக்கிரவாண்டி வட்டம், வி.சாலையில் கடந்த 2024, அக்.27-ஆம் தேதி தவெக முதல் மாநில மாநாடு நடத்தப்பட்டது. இந்த மாநாட்டில் 101 அடி உயரக் கொடிக் கம்பத்தில் கட்சித் தலைவரும், தற்போதைய முதல்வருமான ச.ஜோசப் விஜய் கொடியேற்றினாா்.

மாநாடு நடைபெற்று 2 ஆண்டுகள் நிறைவடைந்து, மூன்றாமாண்டு தொடக்கத்தையொட்டி வி.சாலையிலுள்ள ஆஞ்சநேயா் கோயிலில் செவ்வாய்க்கிழமை சிறப்பு பூஜைகள் நடத்தப்பட்டு, பொதுமக்களுக்கு அன்னதானம் வழங்கப்பட்டது. மேலும் மாநாட்டுக் கொடிக் கம்பத்திலிருந்த பழைய கொடி அகற்றப்பட்டு, புதிய கொடியை விழுப்புரம் தென்மேற்கு மாவட்டச் செயலா் ஏ.விஜய் வடிவேல் ஏற்றி வைத்தாா். தொடா்ந்து மக்களுக்கு மரக்கன்று, இனிப்புகளை வழங்கினாா்.

நிகழ்வில் மாவட்ட நிா்வாகிகள் விஜய்தீப், காமராஜ், காா்த்தி, வழக்குரைஞா் குமரேசன், பிரித்திவிராஜ், மணி, சம்பத், ஜெயக்குமாா், ஒன்றியச் செயலா்கள் சேகா், முத்து, பாரதி, மணிராஜன், ஜான்பீட்டா், ஸ்ரீதா், ரமேஷ், ராம், ராஜ்குமாா், நகரச் செயலா் சிவா உள்ளிட்டோா் பங்கேற்றனா்.