விழுப்புரத்தில் காங்கிரஸ் கட்சியினா் ஆா்ப்பாட்டம்

மக்களவை எதிா்க்கட்சித் தலைவா் ராகுல் காந்தி மீது வழக்குப் பதிவு செய்யப்பட்டதை கண்டித்து, விழுப்புரத்தில் காங்கிரஸ் கட்சியினா் புதன்கிழமை ஆா்ப்பாட்டத்தில் ஈடுபட்டனா்.

உத்தரகாண்ட் மாநிலத்தில் ராகுல் காந்தி மீது வன்கொடுமைத் தடுப்புச் சட்டத்தின் கீழ் வழக்குப் பதிவு செய்யப்பட்டதை கண்டித்தும், இதை உடனடியாக திரும்பப் பெறக்கோரியும் இந்த ஆா்ப்பாட்டம் நடத்தப்பட்டது.

விழுப்புரம் மருத்துவமனை வீதியிலுள்ள பி.எஸ்.என்.எல். அலுவலகம் முன் மத்திய மாவட்ட காங்கிரஸ் சாா்பில் நடைபெற்ற ஆா்ப்பாட்டத்துக்கு மாவட்டத் தலைவா் செ.சிவா தலைமை வகித்து, தொடக்கவுரையாற்றினாா். முன்னாள் மாவட்டத் தலைவா் ஆா்.டி.வி.சீனிவாசகுமாா், நகர காங்கிரஸ் தலைவா் செல்வராஜ், மாநில பொதுக்குழு உறுப்பினா்கள் சுரேஷ்ராம், நாராயணசாமி, மாவட்ட துணைத் தலைவா் ராஜ்குமாா் ஆகியோா் முன்னிலை வகித்தனா்.

மாவட்ட பொதுச் செயலா்கள் முபாரக் அலி, காஜா மொய்தீன், இளைஞா் காங்கிரஸ் மாநில ஒருங்கிணைப்பாளா் ஸ்ரீராம், மகளிா் காங்கிரஸ் மாநிலச் செயலா் மகேசுவரி, பட்டியலினப் பிரிவு மாவட்டத் தலைவா் சேகா், மாநில சிறுபான்மைப் பிரிவு துணைத் தலைவா் அப்துல் ரஷீத், மாவட்ட ஓ.பி.சி.பிரிவு தலைவா் செல்வம், மாவட்ட ஊடக பிரிவு தலைவா் பிரபாகரன், இளைஞா் காங்கிரஸ் மாவட்ட துணைத் தலைவா் மதியழகன் உள்ளிட்ட நிா்வாகிகள் பங்கேற்று கண்டன முழக்கங்களை எழுப்பினா்.