பாமகவின் தேர்தல் அறிக்கையைக் காப்பி அடிக்கவில்லை: கனிமொழி

பாமகவின் தேர்தல் அறிக்கையை திமுக காப்பி அடிக்க வேண்டிய அவசியம் இல்லை என்று திமுகவின் மாநிலங்களவைக் குழு தலைவர் கனிமொழி கூறினார்.

 சென்னை கோபாலபுரம் இல்லத்தில் சனிக்கிழமை செய்தியாளர்களிடம் அவர் கூறியது:- திமுகவில் வேட்பாளர்கள் தேவையில்லாமல் மாற்றப்படுவது இல்லை.

 அறிவிக்கப்பட்ட வேட்பாளர்களுக்கு சில இடங்களில் அதிருப்தி நிலவுவது என்பது இயல்பானதுதான்.

 பாமகவின் தேர்தல் அறிக்கையைத் திமுக காப்பி அடிக்க வேண்டிய அவசியம் இல்லை. தேர்தல் அறிக்கையை நாங்கள்தான் முதலில் வெளியிட்டோம். பாமக வெளியிட்டு, இரண்டாவதாக நாங்கள் வெளியிட்டாவது பரவாயில்லை.

 முதலில் வெளியிட்டவர்களை எப்படிக் காப்பி அடித்தார்கள் எனச் சொல்ல முடியும் என்றார் அவர்.

கனிமொழி பிரசாரம்:

கனிமொழியின் பிரசாரச் சுற்றுப்பயண விவரம்: ஏப்ரல் 18: சேலம், ஏப்ரல் 19: நாமக்கல், ஏப்ரல் 20: ஈரோடு, ஏப்ரல் 21: திருப்பூர், ஏப்ரல் 22: கோயம்புத்தூர்.