வாகனச் சோதனை: ரூ.9 லட்சம் பறிமுதல்

உரிய ஆவணங்களின்றி காரில் கொண்டு சென்ற ரூ.9 லட்சத்தை தேர்தல் அலுவலர்கள் பறிமுதல் செய்தனர்.
மண்டியா ஊரகம், மண்டியா-மைசூரு தேசிய நெடுஞ்சாலையில் புதன்கிழமை போலீஸார், தேர்தல் அலுவலர்கள் சோதனையில் ஈடுபட்டனர். அப்போது காரில் ஆவணங்களின்றி கொண்டு சென்ற ரூ. 4 லட்சம் ரொக்கத்தை பறிமுதல் செய்தனர். இதுதொடர்பாக பெங்களூரு ஜிகினியைச் சேர்ந்த 3 பேரிடம் போலீஸார் விசாரணை மேற்கொண்டுள்ளனர்.
மற்றொரு சம்பவம்: பெலகாவி மாவட்டம் கானபுரா சுங்கச்சாவடியில் காரில் ஆவணங்கள் இல்லாமல் கொண்டு சென்ற ரூ. 5 லட்சம் ரொக்கப்பணத்தை போலீஸார் பறிமுதல் செய்தனர். இதுதொடர்பாக இளைஞர் ஒருவரிடம் போலீஸார் விசாரணை நடத்தி வருகின்றனர்.