கல்குவாரி உரிமத்தை ரத்து செய்யக் கோரி ஆட்சியரிடம் பொதுமக்கள் மனு

மதுரை மாவட்டம் பாலமேட்டில் குடியிருப்புகளுக்கு அருகே கல்குவாரி அமைக்க வழங்கப்பட்ட உரிமத்தை ரத்து செய்யக் கோரி அப்பகுதி மக்கள் மாவட்ட ஆட்சியரிடம் திங்கள்கிழமை மனு அளித்தனர். 
 அதைத்தொடர்ந்து அவர்கள் கூறியது: 
 பாலமேட்டில் குடியிருப்புகள், பள்ளி, விவசாய நிலங்கள் அருகே கல்குவாரி அமைக்க அனுமதி அளிக்கப்பட்டது. அப்பகுதியில 200 அடி பள்ளம் தோண்டப்பட்ட நிலையில், பொதுமக்களின் தொடர் போராட்டத்துக்குப் பிறகு குவாரிக்கு வழங்கப்பட்ட அனுமதி ரத்து செய்யப்பட்டது.
 இந்நிலையில், தற்போது மீண்டும் அந்த குவாரிக்கு அனுமதி அளிக்கப்பட்டுள்ளது. எனவே, பொதுமக்களுக்கு மிகுந்த பாதிப்பை ஏற்படுத்தும் குவாரிக்கு வழங்கப்பட்டுள்ள அனுமதியை ரத்து செய்ய வேண்டும் என்றனர்.