சென்னை உயா்நீதிமன்றத்தில் நீதிபதிகள் பதவி ஏற்பு

சென்னை உயா்நீதிமன்ற கூடுதல் நீதிபதிகளானஆா்.பூா்ணிமா, எம்.ஜோதிராமன், ஏ.டி.மரியா கிளாட் ஆகியோா் நிரந்தர நீதிபதிகளாக பதவி ஏற்றுக் கொண்டனா்.

சென்னை உயா்நீதிமன்ற கூடுதல் நீதிபதிகளாக ஆா்.பூா்ணிமா, எம்.ஜோதிராமன், ஏ.டி.மரியா கிளாட் ஆகியோா் கடந்த 2024-ஆம் ஆண்டு செப். 23-ஆம் தேதி பதவி ஏற்றனா். இவா்களை நிரந்தர நீதிபதிகளாக நியமிக்க உயா்நீதிமன்றம், உச்சநீதிமன்றம் பரிந்துரைத்தது.

அதன் அடிப்படையில், மூன்று பேரையும் நிரந்தர நீதிபதிகளாக நியமித்து குடியரசுத் தலைவா் அண்மையில் உத்தரவு பிறப்பித்தாா். அந்த உத்தரவுப்படி, நீதிபதிகள் ஆா்.பூா்ணிமா, எம்.ஜோதிராமன், ஏ.டி.மரியா கிளாட் ஆகியோா் புதன்கிழமை நிரந்தர நீதிபதிகளாக பதவி ஏற்றுக் கொண்டனா்.

இவா்களுக்கு தலைமை நீதிபதி எஸ்.ஏ.தா்மாதிகாரி பதவிப்பிரமாணம் செய்து வைத்தாா்.

நிகழ்வில் சென்னை உயா்நீதிமன்ற நீதிபதிகள், அரசு தலைமை வழக்குரைஞா் பி.எஸ்.ராமன், மாநில அரசின் தலைமை குற்றவியல் வழக்குரைஞா் அசன் முகமது ஜின்னா, அரசு பிளீடா் எட்வின் பிரபாகா், மத்திய மாநில அரசு வழக்குரைஞா்கள் உள்ளிட்ட பலா் கலந்து கொண்டனா்.