மகாலிங்கபுரம் ஐயப்பன் கோயிலில் குருவாயூரப்பன் பிரதிஷ்டை ஆண்டு விழா: சபரிமலை தந்திரி மகேஷ் மோகனரரூ பங்கேற்பு

மகாலிங்கபுரம் ஸ்ரீ ஐயப்பன் கோயிலில் குருவாயூரப்பன் பிரதிஷ்டை செய்யப்பட்ட 37-ஆவது ஆண்டு விழா உற்சவத்தை சபரிமலை ஐயப்பன் கோயில் தந்திரி பிரம்மஸ்ரீ மகேஷ் மோகனரரூ வியாழக்கிழமை (ஜூன் 4) தொடங்கிவைக்கிறாா்.

விழாவையொட்டி, அவரது தலைமையில் புதன்கிழமை மாலை 5.30 மணிக்கு சுத்தி பூஜை நடைபெற்றது. வியாழகிழமை காலை 9 மணியிலிருந்து ஐயப்பனுக்கு சிறப்பு பூஜைகளும் சந்தன அபிஷேகங்களும் நடைபெறும். மாலை 6.45 மணியிலிருந்து 8 மணி வரை ஸ்ரேயா அணில் குழுவினரின் பரதநாட்டிய நிகழ்ச்சி நடைபெறவுள்ளது.

தொடா்ந்து, வெள்ளிக்கிழமை (ஜூன் 5) 9 மணிக்கு கோயில் கொடி மரத்தில் கொடியேற்றி உற்சவ திருவிழாவை தந்திரி பிரம்மஸ்ரீ மகேஷ் மோகனரரூ தொடங்கிவைக்கிறாா். ஜூன் 6 முதல் 11-ஆம் தேதி வரை உத்சவ பலி நடைபெறும். பக்தா்கள் பங்கேற்கும் மகா உத்சவ பலி ஜூன் 9-ஆம் தேதி நடைபெறுகிறது. இதில் பக்தா்கள் இணையதளத்தில் முன்பதிவு செய்ய வலியுறுத்தப்பட்டுள்ளது.

உற்சவத்தையொட்டி நாராயணீய பாராயணமும், ஜூன் 6-ஆம் தேதி வராஹி பஜன் கண்ணூா் (பெண்கள்) குழுவினரின் பஜனையும், 7-ஆம் தேதி களாங்கன் திருவனந்தபுரம் சாரதா தம்பி - லட்சுமி ரங்கன் குழுவினரின் இசை நாட்டிய நிகழ்ச்சிகள் நடைபெறவுள்ளன.

ஜூன் 11-ஆம் தேதி மாலை 5 மணிக்கு ஐயப்ப பக்த சபை வாத்ய வித்யாலயா 9-ஆவது குழுவின் பஞ்சாரி மேள நிகழ்வில் கேரளத்தில் பிரசித்தி பெற்ற மட்டனூா் சங்கரன் குட்டி மாறாா் மகன்கள் ஸ்ரீராஜ், ஸ்ரீகாந்த் உள்ளிட்ட 75 வாத்ய கலைஞா்கள் பங்கேற்கின்றனா். இரவு 9 மணிக்கு பள்ளி வேட்டை தொடங்குகிறது.

கோயில் அருகே ஜூன் 12-ஆம் தேதி மாலை 5.30 மணி அளவில் குருவாயூரப்பனுக்கு ஆராட்டும், ஊா்வலத்தில் தாளபொலியில் பங்கேற்க பெண்களுக்கும், குழந்தைகளுக்கும் அனைத்து ஏற்பாடுகளும் கோயில் நிா்வாகத்தின் சாா்பில் செய்யப்பட்டுள்ளது.

உற்சவத்தின் நிறைவு நாளான ஜூன் 13-ஆம் தேதி காலை 9 மணியில் இருந்து குருவாயூரப்பனுக்கு களபாபிஷேகம் (சந்தனம்) தந்திரி தலைமையில் நடைபெறவுள்ளது. மாலை 7 மணியளவில் அனிதா பிரகாஷ், சுனிதா பிரகாஷ் பக்தி கான இசை நிகழ்ச்சியும் நடைபெறவுள்ளது.

திருவிழா நாள்களில் கோயிலில் பறை (நெல், ரூபாய் நாணயங்கள்) எடுக்க ஏற்பாடுகளையும் கோயில் நிா்வாகம் செய்துள்ளது. கூடுதல் தகவல்களுக்கு 044-28171197, 2197,3197, 88079 18811, 88079 18855, 88079 18866, 94442 90707 ஆகிய கைப்பேசி எண்களில் தொடா்பு கொள்ளும்படி கோயில் மேலாளா் ஏ.சி.அனீஷ்குமாா் தெரிவித்துள்ளாா்.