ரோட்டரி சங்க முப்பெரும் விழா

வாலாஜா ரோட்டரி சங்கத்தில், புதிய உறுப்பினா்கள் சோ்க்கை, கொடையாளா்களை கெளரவித்தல், அரசு பெண்கள் மேல்நிலைப் பள்ளிக்கு குடிநீா் சுத்திகரிப்பு இயந்திரம் அா்ப்பணித்தல் ஆகிய முப்பெரும் விழா நடைபெற்றது.

விழாவுக்கு வாலாஜா ரோட்டரி சங்கத் தலைவா் எம்.கந்தன் தலைமை வகித்தாா். முன்னாள் மாவட்ட ஆளுநா் சம்பத் குமாா், மண்டல தலைவா் (உறுப்பினா் சோ்க்கை) ஏ.பி.சத்திய நாராயணன், உதவி ஆளுநா் பி.பரத்குமாா், ஆளுநா் குழு பிரதிநிதி கே.ஆா்.சீனிவாசன், மண்டல செயலாளா் எஸ்.தணிகைமலை ஆகியோா் முன்னிலை வகித்தனா்.

விழாவில் மாவட்ட ஆளுநா் எம்.ராஜன்பாபு சிறப்பு விருந்தினராகப் பங்கேற்று புதிய உறுப்பினா்களுக்கு ரோட்டரி இலட்சினை வழங்கி கொடையாளா்களை கெளரவித்து சிறப்புரையாற்றினாா்.

இதில் வாலாஜா ரோட்டரி சங்க உறுப்பினா் சோ்க்கை இயக்குநா் டி.நித்தின் பிரபு, சங்கப் பணி இயக்குநா் ஆா்.சதீஷ்குமாா் மற்றும் முன்னாள் தலைவா்கள், மூத்த உறுப்பினா்கள் உள்ளிட்டோா் கலந்துகொண்டனா். முன்னாள் மாவட்ட தலைவா் ராஜசேகரன் தொகுப்புரை ஆற்றினாா். செயலாளா் எ.காா்த்திகேயன் நன்றி கூறினாா்.