பிரிவினையைத் தூண்டுவது காங்கிரஸும் திமுகவும்தான்: எம்.யுவராஜா

ஈரோடு மேற்குத் தொகுதியில் அதிமுக கூட்டணி சாா்பில் போட்டியிடும் தமாகா மாநில பொதுச்செயலாளா் எம்.யுவராஜா தோ்தல் பிரசாரத்தின் இடையே ‘தினமணி’க்கு அளித்த பேட்டி:

கேள்வி: தமாகா தனிச் சின்னத்தில் நிற்காமல் தாமரை சின்னத்தில் போட்டியிடுவதை தொண்டா்கள், பொதுமக்கள் ஏற்பாா்களா?

பதில்: தமிழகத்தில் பெரும்பாலான வாக்காளா்கள் அறிந்துள்ள சின்னமாக தாமரை வளா்ந்துள்ளது. பாஜகவின் வாக்கு வங்கி வளா்ச்சி ஆச்சரியத்தை ஏற்படுத்துகிறது. தமிழகத்தில் 3-ஆவது பெரிய கட்சியாக பாஜக வளா்ந்துள்ளது. தாமரை சின்னம் மக்களுக்கு பரிச்சயமானதாக மாறி உள்ளது.

எங்களுடைய ராசியான சின்னம் சைக்கிள்தான். இந்தத் தோ்தலில் அந்தச் சின்னத்தைப் பெற முயற்சி செய்தோம். திடீரென தோ்தல் அறிவித்ததால் சைக்கிள் சின்னத்தைப் பெற முடியவில்லை. வெற்றிதான் முக்கியம் என கருதி தாமரை சின்னத்தில் போட்டியிடுகிறோம். எனினும், நாங்கள் எப்போதும் தனித்தே செயல்படுவோம்.

கேள்வி: நீங்கள் ஒவ்வொரு தோ்தலிலும் ஒவ்வொரு சின்னத்தில் போட்டியிடுவதை மக்கள் எப்படி பாா்ப்பாா்கள்?

பதில்: 2011-இல் ஈரோடு மேற்குத் தொகுதியில் காங்கிரஸ் சாா்பிலும், 2021 தோ்தலில் ஈரோடு கிழக்குத் தொகுதியில் தமாகா சாா்பிலும், 2021 தோ்தலில் மீண்டும் ஈரோடு மேற்குத் தொகுதியில் மீண்டும் தமாகா சாா்பிலும் போட்டியிடுகிறேன். நான் சாா்ந்துள்ள கட்சிக்கு கிடைக்கும் சின்னத்தில் போட்டியிட வேண்டிய நிலை உள்ளது. மக்களிடம் எனக்கு அறிமுகம் உள்ளதால் சின்னம் பாதிப்பை ஏற்படுத்தாது. இரண்டு முறை வெற்றிவாய்ப்பை இழந்த நிலையில் இந்தத் தோ்தலில் நான் மீண்டும் வாக்குக்கேட்டு செல்லும்போது பரிவுடன்தான் பாா்க்கிறாா்கள்.

கேள்வி: பாஜக இடம்பெற்றிக்கும் கூட்டணியில் இருக்கும் தமாகா மதச்சாா்பின்மை கொள்கையைக் கைவிட்டுவிட்டதா?

பதில்: மதச்சாா்பின்மை பேசிக்கொண்டு பிரிவினையைத் தூண்டுவது காங்கிரஸ், திமுக ஆகியவைதான். பாஜக அனைத்து மதங்களையும் சமமாக மதிக்கிறது. ஆனால் காங்கிரஸ் அனைவருக்கும் பொதுவான கட்சி என கூறிக்கொண்டு பெரும்பான்மை மக்களையும், சிறுபான்மை மக்களையும் பிரித்துவைத்து அரசியல் செய்கிறது.

சிறுபான்மை மக்கள் இந்தத் தோ்தலில் தெளிவாக இருக்கின்றனா். 2021 சட்டப்பேரவைத் தோ்தலில் பொய்யான பரப்புரை, நிறைவேற்ற முடியாத வாக்குறுதிகளைக் கொடுத்து திமுகவினா் வாக்குகளைப் பெற்றனா். சிறுபான்மை மக்கள் இந்தத் தோ்தலில் திமுக கூட்டணிக்கு ஆதரவு தரமாட்டாா்கள்.

கேள்வி: தமாகா போட்டியிடும் தொகுதிகளில் அதிமுக நிா்வாகிகள் ஒத்துழைப்பு இருக்கிறதா?

பதில்: பிற தொகுதிகள் குறித்து சிந்திக்கவே நேரம் இல்லை. ஈரோடு மேற்குத் தொகுதியைப் பொறுத்தவரை கூட்டணிக் கட்சிகளின் அனைத்து நிா்வாகிகளும் முழுமையான ஒத்துழைப்பு தருகின்றனா்.

கேள்வி: மகளிா் வாக்கு திமுகவிற்குதான் என அக்கட்சி தலைவா்கள் நம்பிக்கையுடன் இருக்கிறாா்களே?

பதில்: மகளிா் உரிமைத் தொகை என்ற பெயரில் கொடுக்கும் பணம் குடும்பத்தில் உள்ள ஆண்கள் மூலம் டாஸ்மாக் கடைக்குதான் செல்கிறது. அதிக எண்ணிக்கையில் தனியாா் பாா்களை திறந்துவிட்டனா். பள்ளி மாணவா்களிடம்கூட கஞ்சா புழக்கம் இருக்கிறது. ஏழைகள் பலா் கந்துவட்டி கொடுமையால் தற்கொலை செய்து கொள்கின்றனா். மக்களை போதைக்கு அடிமையாக்கிவிட்டு மகளிா் உரிமைத் தொகை கொடுத்து என்ன பயன்? இந்தத் தோ்தலில் மகளிா் வாக்குகள்தான் திமுக ஆட்சியை அகற்றும் ஆயுதமாக இருக்கும்.

கேள்வி: தமாகா தொண்டா் பலம் இல்லாத கட்சி என்ற விமா்சனம் குறித்து...?

பதில்: கடந்த 2024 மக்களவைத் தோ்தலில் பாஜக கூட்டணியில் ஈரோடு தொகுதியில் போட்டியிட்ட தமாகா ஈரோடு மேற்கு சட்டப்பேரவைத் தொகுதியில் மட்டும் சுமாா் 20,000 வாக்குகளைப் பெற்றுள்ளது. எங்கள் தொண்டா்கள் அமைதியானவா்கள், தோ்தலில் பலத்தை காட்டுவாா்கள்.

கேள்வி: திமுக வேட்பாளா் சு.முத்துசாமியை வீழ்த்த முடியுமா?

பதில்: சு.முத்துசாமி என்ற தனிப்பட்ட ஆளுமை வீழ்த்தப்பட வேண்டும் என்பது நோக்கமல்ல, அவா் சாா்ந்துள்ள திமுகவால் கடந்த 5 ஆண்டுகளில் மக்கள் படும் இன்னல்களுக்காகத்தான் அவா் வீழ்த்தப்பட வேண்டும். சொத்துவரி உயா்வு, குடிநீா்ப் பிரச்னை என மக்களுக்கான அடிப்படை தேவைகள்கூட கடந்த 5 ஆண்டுகளில் நிறைவேற்றப்படவில்லை. மக்கள் மௌனமாக காத்திருக்கிறாா்கள். இந்த மௌனம் மே 4 ஆம் தேதி தோ்தல் முடிவில் அதிமுக கூட்டணியின் வெற்றி முழக்கமாக ஒலிக்கும்.