ரூ.30 லட்சத்துக்கு காங்கேயம் இன மாடுகள் விற்பனை

நத்தக்காடையூர் அருகே பழையகோட்டையில் ஞாயிற்றுக்கிழமை நடைபெற்ற மாட்டுச் சந்தையில் காங்கேயம் இன மாடுகள் மொத்தம் ரூ. 30 லட்சத்துக்கு விற்கப்பட்டன.
  பழையகோட்டையில் காங்கேயம் இன மாடுகளுக்கான சந்தை ஞாயிற்றுக்கிழமை தோறும் நடைபெற்று வருகிறது. இங்கு காங்கேயம் இன மாடுகள் மட்டுமே விற்பனைக்கு அனுமதிக்கப்படுகிறது. இந்நிலையில், ஞாயிற்றுக்கிழமை நடைபெற்ற சந்தையில் காங்கேயம் இன மாடுகள், காளைகள், இளங்கன்றுகள் என 151 மாடுகள் விற்பனைக்கு கொண்டுவரப்பட்டிருந்தன. இதில், 65 மாடுகள் மொத்தம் ரூ. 30 லட்சத்துக்கு விற்கப்பட்டன. அதிகபட்ச விலையாக ரூ. 90 ஆயிரத்துக்கு கிடாரிக் கன்றுடன் காங்கேயம் இன மயிலைப் பசு விற்பனையானது.