சிறுமியை பாலியல் வன்கொடுமை செய்த இளைஞருக்கு 20 ஆண்டுகள் சிறை தண்டனை

பென்னாகரம் அருகே சிறுமியை கடத்திச் சென்று பாலியல் வன்கொடுமை செய்த இளைஞருக்கு 20 ஆண்டுகள் சிறை தண்டனை, ரூ. 30 ஆயிரம் அபராதம் விதித்து தருமபுரி மகிளா நீதிமன்றம் திங்கள்கிழமை தீா்ப்பளித்தது.

பென்னாகரம் அருகே உள்ள கிராமத்தைச் சோ்ந்த 5 வயது சிறுமியை, அதே பகுதியைச் சோ்ந்த மாதேஷ் (25), கடந்த 2020-ஆம் ஆண்டு இருசக்கர வாகனத்தில் கடத்திச் சென்று பாலியல் வன்கொடுமை செய்தாா்.

இதுகுறித்து சிறுமியின் தாய் பென்னாகரம் மகளிா் காவல் நிலையத்தில் அளித்த புகாரின்பேரில் விசாரணை மேற்கொண்ட போலீஸாா், போக்சோ வழக்கின்கீழ் மாதேஷை கைது செய்தனா்.

தருமபுரி மகிளா நீதிமன்றத்தில் நடைபெற்று வந்த இந்த வழக்கில் நீதிபதி ஹசீனா பானு, மாதேஷுக்கு 20 ஆண்டுகள் சிறை தண்டனை மற்றும் ரூ. 30 ஆயிரம் அபராதம் விதித்து தீா்ப்பளித்தாா்.