பண்ணந்தூர்-அரசம்பட்டி சாலையை சீரமைக்க வலியுறுத்தல்

பண்ணந்தூர்- அரசம்பட்டி இடையே புதிதாக தார்ச்சாலை அமைக்க வேண்டும் என பொதுமக்கள் கோரிக்கை விடுத்துள்ளனர்.
கிருஷ்ணகிரி மாவட்டம், போச்சம்பள்ளியை அடுத்த பண்ணந்தூர் கிராமத்திலிருந்து அரசம்பட்டி வரை சுமார் 3 கி. மீ தொலைவுக்கு ஏற்கெனவே அமைக்கப்பட்டிருந்த தார்ச்சாலை போக்குவரத்துக்கு பயனற்ற நிலையில் குண்டும்,குழியுமாக உள்ளது.
கொட்டவூர், செம்மன்மேட்டுக்கொல்லை, ஆதுக்கொல்லை, தருமதொப்பு என 10-க்கும் மேற்பட்ட கிராமங்களை இணைக்கும் இந்த சாலை வழியாக நாள்தோறும் பயணிக்கும் மாணவர்கள், விவசாயிகள் அவதிக்குள்ளாகி வருகின்றனர். எனவே, இந்த சாலை புதுப்பித்து தர வேண்டும் என பொதுமக்கள் கோரிக்கை விடுத்துள்ளனர்.