பழைய கரூா் சாலையில் சுரங்கப் பாதை: விரைந்து முடிக்கக் கோரி உண்ணாவிரதம்

 திண்டுக்கல்லில் பழைய கரூா் சாலையிலுள்ள ரயில்வே சுரங்கப் பாதையை விரைந்து முடிக்க வலியுறுத்தி மாா்க்சிஸ்ட் கம்யூனிஸ்ட் கட்சி சாா்பில் வெள்ளிக்கிழமை உண்ணாவிரதப் போராட்டம் நடைபெற்றது.

திண்டுக்கல்-திருச்சி சாலை சந்திப்பில் நடைபெற்ற இந்த போராட்டத்துக்கு, மாா்க்சிஸ்ட் கம்யூனிஸ்ட் கட்சியின் நகரச் செயலா் அரபு முகமது தலைமை வகித்தாா். சிறப்பு அழைப்பாளராக மாநிலக் குழு உறுப்பினா் என்.பாண்டி கலந்து கொண்டாா்.

இந்த போராட்டத்தின்போது 4 ஆண்டுகளுக்கும் மேலாக பழைய கரூா் சாலையில்(எம்விஎம் நகா் பகுதி) நடைபெற்று வரும் சுரங்கப் பாதை பணிகளை விரைந்து முடிக்க வேண்டும்.

பாலகிருஷ்ணாபுரம் பகுதியில் கட்டப்பட்டு வரும் 1 கி.மீ. நீள ரயில்வே மேம்பாலப் பணிகளை துரிதமாக முடித்து பயன்பாட்டிற்கு கொண்டு வர வேண்டும் என வலியுறுத்தப்பட்டது.

இந்த போராட்டத்தில், மாநிலக் குழு உறுப்பினா்கள் கே.பாலபாரதி, ஒன்றியச் செயலா் சரத்குமாா், மாவட்டச் செயற்குழு உறுப்பினா்கள் கே.பிரபாகரன், ஜி.ராணி உள்ளிட்ட பலா் கலந்து கொண்டனா்.