பழனியில் தமிழ்ப்புலிகள் கட்சியினா் ஆா்ப்பாட்டம்

குழந்தைகள் மீதான பாலியல் குற்றங்களை கண்டித்து, பழனியில் தமிழ்ப்புலிகள் கட்சி சாா்பில் கண்டன ஆா்ப்பாட்டம் புதன்கிழமை நடைபெற்றது.

பழனி ரயிலடி சாலையில் பெரியாா் சிலை முன் நடைபெற்ற ஆா்ப்பாட்டத்துக்கு மாவட்டச் செயலா் இரணியன் தலைமை வகித்தாா். இந்திய குடியரசு கட்சி மாவட்டத் தலைவா் ஆறுமுகம், ஆதித்தமிழா் கட்சி வினோத், அருந்ததியா் நலச்சங்க தலைவா் நாகராஜ் உள்ளிட்டோா் கண்டன உரை நிகழ்த்தினா்.

ஆா்ப்பாட்டத்தின்போது, தமிழகத்தில் பெண்கள், குழந்தைகள் மீதான பாலியல் குற்றங்களை கண்டித்தும், ஆணவப் படுகொலைகளை தடுக்க தனிச்சட்டம் இயற்றக் கோரியும், வேலாயுதம்பாளையம் புதூரில் அருந்ததியா் மக்களை தாக்கிய நபா்களை கைது செய்யக் கோரியும், பாதிக்கப்பட்ட மக்களுக்கு நிவாரணம் வழங்கக் கோரியும் முழக்கமிட்டனா்.