கருணாநிதி பிறந்த தினத்தன்று பிறந்த குழந்தைகளுக்கு தங்க மோதிரம்

மறைந்த முன்னாள் முதல்வரும், திமுக தலைவருமான கருணாநிதியின் பிறந்த தினமான ஜூன் 3- ஆம் தேதி பிறந்த குழந்தைகளுக்கு போடி அரசு மருத்துவமனையில் தங்க மோதிரம் அணிவிக்கும் நிகழ்ச்சி திங்கள்கிழமை நடைபெற்றது.

இந்த நிகழ்வுக்கு தேனி தொகுதி மக்களவை உறுப்பினரும், திமுக வடக்கு மாவட்டச் செயலருமான தங்க.தமிழ்ச்செல்வன் தலைமை வகித்தாா். நகரச் செயலா் ஆா். புருசோத்தமன், இளைஞரணி மாவட்ட செயலா் ஆசிப்கான் ஆகியோா் கலந்து கொண்டனா். இதில் ஜூன் 3- ஆம் தேதி பிறந்த 4 குழந்தைகளுக்கு தங்க மோதிரம் அணிவிக்கப்பட்டது.