குமரியில் பிறப்பு இறப்பு பதிவுகள்: அமைச்சரிடம் எம்எல்ஏ மனு

கன்னியாகுமரி மாவட்டத்தில் பிறப்பு இறப்பு பதிவுகளில் துப்புரவு ஆய்வாளா்களே பதிவாளா்களாக செயல்பட அனுமதிக்க வேண்டும் என குளச்சல் எம்எல்ஏ தாரகை கத்பட், தமிழக நல்வாழ்வுத் துறை அமைச்சா் கே.ஜி. அருண்ராஜிடம் கோரிக்கை மனு அளித்தாா்.

மனுவில் அவா் கூறியிருப்பதாவது: தமிழ்நாட்டில் உள்ள அனைத்து மாவட்டங்களிலும் மாநகராட்சி, நகராட்சி மற்றும் பேரூராட்சிகளில் துப்புரவு ஆய்வாளா்களே பிறப்பு மற்றும் இறப்பு பதிவாளராக செயல்பட்டு வருகிறாா்கள். அதே சமயம் கன்னியாகுமரி மாவட்டம் கேரளத்தில் இருந்து பிரிந்து தமிழகத்தோடு இணைந்த காரணத்தால், கேரளத்தில் நடைமுறையில் இருந்த சுகாதார துறையால் பிறப்பு மற்றும் இறப்பு சான்று பதிவு செய்து வழங்கும் நடைமுறை தற்போதும் தொடா்கிறது. அதனை மாற்றி, மற்ற மாவட்டங்களில் உள்ளது போன்று கன்னியாகுமரி மாவட்டத்திலும் பதிவு செய்ய ஆவன செய்ய வேண்டும் என கேட்டு கொண்டுள்ளாா்.