நெல்லையில் மாடு முட்டியதில் காயமடைந்த பெண் சாவு

திருநெல்வேலியில் மாடு முட்டியதில் பலத்த காயமடைந்த பெண் சனிக்கிழமை இரவு உயிரிழந்தார்.
தாழையூத்து அருகேயுள்ள தென்கலம்புதூரைச் சேர்ந்த கனகராஜ் மனைவி வேலம்மாள் (65).  கூலித்தொழிலாளி.  இவர், திருநெல்வேலி சந்திப்பில் உள்ள பூ மார்க்கெட் பகுதிக்கு வந்தாராம்.  அப்போது மாடு முட்டியதில் பலத்த காயமடைந்தார்.
அவரை மீட்டு திருநெல்வேலி அரசு மருத்துவக் கல்லூரி மருத்துவமனையில் சேர்த்தனர். அங்கு அவர் உயிரிழந்தார். இதுகுறித்து திருநெல்வேலி சந்திப்பு போலீஸார் வழக்குப்பதிந்து விசாரித்து வருகிறார்கள்.