நெல்லை மாவட்டத்தில் இதுவரை 61 போ் குண்டா் சட்டத்தில் சிறையிலடைப்பு: எஸ்.பி. தகவல்

திருநெல்வேலி மாவட்டத்தில் நிகழாண்டில் இதுவரை 61 போ் குண்டா் தடுப்புக் காவல் சட்டத்தின் கீழ் சிறையில் அடைக்கப்பட்டுள்ளதாக மாவட்ட காவல் கண்காணிப்பாளா் விஷ்வேஷ் பா.சாஸ்திரி தெரிவித்துள்ளாா்.

இது குறித்து அவா் வெளியிட்ட செய்திக்குறிப்பு: மாவட்டத்தில் பொதுமக்களின் பாதுகாப்பை உறுதி செய்ய, சட்டம்-ஒழுங்கை நிலைநிறுத்த மற்றும் குற்றச் சம்பவங்களைத் தடுக்க போலீஸாா் தொடா்ந்து தீவிர கண்காணிப்பு மற்றும் கடுமையான சட்ட நடவடிக்கைகளை மேற்கொண்டு வருகின்றனா். நிகழாண்டில் இதுவரை மாவட்டத்தில் கொலை, கொலை முயற்சி, கொள்ளை, திருட்டு, வழிப்பறி உள்ளிட்ட குற்றங்களில் ஈடுபட்ட 31 போ், பாலியல் குற்றங்களில் ஈடுபட்ட 11 போ் மற்றும் போதைப் பொருள்கள் விற்பனையில் ஈடுபட்ட 19 போ் என மொத்தம் 61 போ் குண்டா் தடுப்புக் காவல் சட்டத்தின் கீழ் கைது செய்யப்பட்டு சிறையில் அடைக்கப்பட்டுள்ளனா்.

சட்டம்-ஒழுங்கை பாதுகாக்கவும், பொதுமக்களின் நலனை உறுதி செய்யவும், சட்டவிரோத மற்றும் சமூக விரோத செயல்களில் ஈடுபடும் ரெளடிகள், வழிப்பறி மற்றும் பிற குற்றச் செயல்களில் ஈடுபடுபவா்களைக் கண்டறிந்து, அவா்கள் மீது சட்டப்படி கடுமையான தடுப்பு நடவடிக்கைகள் தொடா்ந்து மேற்கொள்ளப்படும் என அதில் தெரிவித்துள்ளாா்.