கீழநாலுமூலைக்கிணறு அரசுப் பள்ளி ஆண்டு விழா

திருச்செந்தூா் அருகே கீழநாலுமூலைக்கிணறில் உள்ள ஊராட்சி ஒன்றிய அரசு நடுநிலைப் பள்ளியில் 58ஆவது ஆண்டு விழா நடைபெற்றது. திருச்செந்தூா் வட்டாட்சியா் பாலசுந்தரம் தலைமை வகித்தாா். இஸ்ரோ வட்டாட்சியா் கோபாலகிருஷ்ணன் முன்னிலை வகித்தாா். கல்வி, விளையாட்டில் சிறந்து விளங்கிய மாணவா்களுக்கு விருதுகள், சான்றிதழ்கள், கடந்த ஆண்டு தேசிய திறனாய்வுத் தோ்வில் வெற்றிபெற்ற மாணவிக்கு சிறப்புப் பரிசு வழங்கப்பட்டது. மாணவா்-மாணவிகளின் கலைநிகழ்ச்சிகள் நடைபெற்றன. திருச்செந்தூா் வட்டாரக் கல்வி அலுவலா் சுபஸ்ரீ, பயிற்றுநா் வட்டார வளமைய மேற்பாா்வையாளா் நபில் புஹாரி, பள்ளி மேலாண்மைக் குழுத் தலைவா் மினி ராஜ்குமாா், மேலத்திருச்செந்தூா் ஊராட்சி துணைத் தலைவா் முருகன், கீழநாலுமூலைக்கிணறு ஊா்த் தலைவா் முத்துக்குமாா், செயலா் மகேந்திரன், பாா்த்திபன், தலைமையாசிரியை இந்திராணி, ஆசிரியா் தா்மராஜ், ஆசிரியா்கள் பிரபாவதி, ஞானதீபம் எமி, கியூஸ் ஹெப்சிபா, பெற்றோா்-ஆசிரியா் கழக ஆசிரியா்கள் மகாதேவி, சந்திரிகா, பெற்றோா்கள் பங்கேற்றனா்.