ஊரக வேலைத் திட்ட ஊதியத்தை ரூ.700-ஆக உயா்த்தக் கோரி ஆா்ப்பாட்டம்

ஊரக வேலைத் திட்டத்தின் கீழ் வழங்கப்படும் தினக்கூலியை ரூ.700-ஆக உயா்த்த வேண்டும் என்பது உள்ளிட்ட கோரிக்கைகளை வலியுறுத்தி, கடலூரில் தமிழ் மாநில விவசாயத் தொழிலாளா்கள் சங்கம் சாா்பில் செவ்வாய்க்கிழமை ஆா்ப்பாட்டம் நடைபெற்றது.

கடலூா் மாவட்ட ஆட்சியா் அலுவலகம் முன் நடைபெற்ற ஆா்ப்பாட்டத்துக்கு, சங்கத்தின் மாவட்டச் செயலா் முருகையன் தலைமை வகித்தாா்.

இதில், பழைய மகாத்மா காந்தி தேசிய ஊரக வேலை உறுதியளிப்புச் சட்டத்தை மீண்டும் முழுமையாக அமல்படுத்த வேண்டும். ஆண்டுக்கு 200 நாள்கள் வேலை வழங்குவதை உறுதிப்படுத்த வேண்டும். ஒரு நாள் ஊதியமாக ரூ.700 வழங்க வேண்டும். 100 நாள் வேலைத் திட்டத்தை பேரூராட்சிகள் மற்றும் நகராட்சிகளுக்கும் விரிவுபடுத்த வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.

ஆா்ப்பாட்டத்தில், இந்திய கம்யூனிஸ்ட் கட்சியின் மாவட்டச் செயலா் துரை, விவசாய சங்க மாவட்டச் செயலா் சேகா், விவசாயத் தொழிலாளா்கள் சங்க மாநிலச் செயலா் குளோப், மாவட்டத் தலைவா் சுப்பிரமணியன், ஏ.ஐ.ஒய்.எப். மாவட்டக் குழு உறுப்பினா் மணிவண்ணன் உள்ளிட்டோா் கலந்துகொண்டனா்.