தொடர் பைக் திருட்டு: ஒருவர் கைது
திண்டிவனம் பகுதியில் தொடர்ந்து பைக் திருட்டில் ஈடுபட்டவர் ஞாயிற்றுகிழமை கைது செய்யப்பட்டார்.
திண்டிவனம் பகுதியில் தொடர்ந்து பைக் திருட்டில் ஈடுபட்டவர் ஞாயிற்றுகிழமை கைது செய்யப்பட்டார்.
பைக்குகள் தொடர் திருட்டு தொடர்பாக, விழுப்புரம் மாவட்ட எஸ்பி ஜெயக்குமார் பிறப்பித்த உத்தரவின்பேரில், திண்டிவனம் டிஎஸ்பி வி.வி.திருமால் தலைமையில் தனிப்படை அமைக்கப்பட்டு விசாரணை நடைபெற்று வந்தது. இந்த நிலையில் இதுகுறித்து ஞாயிற்றுக்கிழமை செய்தியாளர்களிடம் மாவட்ட எஸ்பி ஜெயக்குமார் கூறியதாவது:
காவேரிப்பாக்கம் மொட்டையன் தெருவில் போலீஸார் ஞாயிற்றுகிழமை காலை 7 மணியளவில் வாகனச் சோதனையில் ஈடுபட்டனர். அப்போது, அதே பகுதியைச் சேர்ந்த சையத் இப்ராகிம் (38) என்பவர், பதிவு எண் இல்லாத பைக்கை ஓட்டி வந்தார். அவரிடம் போலீஸார் நடத்திய தீவிர விசாரணையில், திண்டிவனம் நகரில் தொடர்ந்து பைக் திருட்டில் ஈடுபட்டதையும், மொத்தம் 14 பைக்குகளை திருடியுள்ளதாகவும் ஒப்புக்கொண்டார். அவரிடம் இருந்த அனைத்து பைக்குகள், உதிரி பாகங்களும் கைப்பற்றப்பட்டன. இவற்றின் மொத்த மதிப்பு ரூ.4 லட்சத்து 90 ஆயிரம் என்றார் எஸ்பி.
இதுதொடர்பாக தனிப் படை உதவி ஆய்வாளர்கள் நந்தகுமார், ரங்கராஜ், மகாலிங்கம், பாண்டியன் உள்ளிட்டோரை எஸ்பி பாராட்டினார்.
கருத்துகள்
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.