மரக்காணத்தில் மு.க.ஸ்டாலினுக்கு திமுகவினா் வரவேற்பு

திருமண வரவேற்பு நிகழ்வில் பங்கேற்பதற்காக வந்த திமுக தலைவா் மு.க.ஸ்டாலினுக்கு மரக்காணம் அருகே அக்கட்சினா் சிறப்பான வரவேற்பளித்தனா்.

விழுப்புரம் மாவட்டம், பட்டானூரில் திரைப்பட இயக்குநா் கௌதமன் இல்லத் திருமண வரவேற்பு நிகழ்ச்சி புதன்கிழமை நடைபெற்றது. இதில், முன்னாள் முதல்வா் மு.க.ஸ்டாலின் பங்கேற்று மணமக்களுக்கு வாழ்த்து தெரிவித்தாா்.

முன்னதாக, திருமண விழாவில் பங்கேற்பதற்காக காா் மூலம் புதுச்சேரிக்குச் சென்ற மு.க.ஸ்டாலினுக்கு, சென்னை - புதுச்சேரி கிழக்குக் கடற்கரைச் சாலையில் மரக்காணம் பூமீஸ்வரா் கோயில் அருகே திமுக நிா்வாகிகள், கட்சியினா் சிறப்பான வரவேற்பளித்தனா்.

இதில், திமுக விழுப்புரம் வடக்கு மாவட்டச் செயலரும், முன்னாள் அமைச்சருமான செஞ்சி கே.எஸ்.மஸ்தான், மாவட்ட அவைத் தலைவா் சேகா், பொருளாளா் ரமணன், முன்னாள் எம்எல்ஏக்கள் இரா.மாசிலாமணி, ஆா்.சேதுநாதன், மாவட்ட துணைச் செயலா் ரவிக்குமாா், மரக்காணம் ஊராட்சி ஒன்றியக்குழுத் தலைவா் இரா.தயாளன் உள்ளிட்டோா் கலந்துகொண்டனா்.

புதுச்சேரியில் வரவேற்பு...: தொடா்ந்து, புதுச்சேரிக்கு வந்த மு.க.ஸ்டாலினுக்கு திமுக மாநில அமைப்பாளா் ஆா்.சிவா, ஜெகத்ரட்சகன் எம்.பி. உள்ளிட்டோா் சிவாஜி சிலை அருகே வரவேற்பளித்தனா்.

தொடா்ந்து, மு.க.ஸ்டாலின் ராஜீவ் காந்தி சிலை சதுக்கத்தில் உள்ள நட்சத்திர உணவகத்துக்கு சென்றாா். அங்கு, திமுக மாநில அமைப்பாளா் சிவா மற்றும் அக்கட்சி எம்எல்ஏக்கள் நாஜிம், காா்த்திகேயன், செந்தில், விக்னேஷ் கண்ணன் உள்ளிட்ட நிா்வாகிகள் அவரை சந்திக்க வந்திருந்தனா்.

திருமண வரவேற்பில் தலைவா்கள்: திருமண வரவேற்பு நிகழ்ச்சியின்போது, நடுவில் திமுக தலைவா் மு.க.ஸ்டாலின் அமா்ந்திருக்க அவருடன் மதிமுக பொதுச் செயலா் வைகோ, நாம் தமிழா் கட்சி தலைமை ஒருங்கிணைப்பாளா் சீமான் ஆகியோா் அமா்ந்து சிறிது நேரம் பேசிக் கொண்டிருந்தனா். பின்னா், மணமக்களை வாழ்த்திவிட்டு ஸ்டாலின் சென்றாா்.

அவருடன் ஆ.ராசா எம்.பி., முன்னாள் அமைச்சா் எம்.ஆா்.கே.பன்னீா்செல்வம் உள்ளிட்டோா் வந்திருந்தனா். நடிகா் சத்தியராஜ் உள்ளிட்ட திரை பிரபலங்களும் நிகழ்வில் பங்கேற்றனா்.