குறைந்த கொழுப்புச் சத்து ஆவின் பால் அறிமுகம்

மிகக் குறைந்த கொழுப்புச் சத்து நிறைந்த "ஸ்லிம் அண்டு ஃபிட்' என்ற ஆவின் பால் அறிமுகப்படுத்தப்பட்டுள்ளது.

இந்த புதிய பாலை சென்னை நந்தனம் ஆவின் வளாகத்தில் வியாழக்கிழமை நடைபெற்ற விழாவில் பால்வளத்துறை அமைச்சர் வி. மூர்த்தி அறிமுகப்படுத்தினார்.

இந்த புதிய பால் 0.5 சதவீதம் என்ற அளவில் மிகக் குறைந்த அளவில் கொழும்புச் சத்து கொண்டதாக இருக்கும். 200 மி.லி. டெட்ரா பாக்கெட் விலை ரூ. 15.

விழாவில் பேசிய அமைச்சர், சென்னையில் 100 பாலகங்கள் விரைவில் திறக்கப்படும். ஆவின் பால்பொருள்கள் மாதம் ஒன்றுக்கு ரூ. 8.5 கோடிக்கு விற்பனை செய்யப்பட்டு வருகிறது; நுகர்வோருக்கு பால் அட்டைகள் தாராளமாக வழங்கப்பட்டு வருகின்றன என்றார்.

விழாவில் ஆவின் இணை நிர்வாக இயக்குநர் எஸ்.ஏ.ராமன், பொதுமேலாளர் பி. குமாரவேல்பாண்டியன், பொது மேலாளர் எஸ்.கே. கதிர்வேலு ஆகியோர் கலந்துகொண்டனர்.