நடிகர் அருள்நிதி நடிப்பில் வெளியாகவுள்ள "கழுவேத்தி மூர்க்கன்" திரைப்படம் மே 26-ம் தேதி திரையரங்குகளில் வெளியாகும் எனப் படக்குழு அறிவித்துள்ளது. 

அருள்நிதி, துஷாரா விஜயன், முனிஷ்காந்த் உள்ளிட்ட பலர் நடித்துள்ள திரைப்படம் கழுவேத்தி மூர்க்கன். ராட்சசி பட இயக்குநர் சை.கௌதம்ராஜ் இயக்கத்தில் உருவாகியுள்ளது. 

சமீபத்தில் வெளியான "டாடா" படம் நல்ல வரவேற்பினை பெற்றது. அதேபோன்று இந்தப் படத்திற்கும் அதே தயாரிப்பாளர் என்பதால் ரசிகர்களிடையே கழுவேத்தி மூர்க்கன் படத்திற்கு எதிர்பார்ப்பு அதிகரித்துள்ளது. 

படிக்க: கோடைக்காலத்தில் அவசியம் எடுத்துக்கொள்ள வேண்டிய 5 காய்கறிகள்!

டி.இமான் இந்தப் படத்திற்கு இசையமைத்துள்ளார். யுகபாரதி பாடல்கள் எழுதியுள்ளார். ஸ்ரீதர் ஒளிப்பதிவு செய்ய நாகூரன் எடிட் செய்துள்ளார். 

இந்தப் படத்தின் டீசர் கடந்த ஏப்ரல் மாதம் வெளியாகி இணையத்தில் அதிக கவனம் பெற்றதையடுத்து, மே 26-ம் தேதி படம் வெளியாகும் என அறிவிக்கப்பட்டுள்ளது.