7 தொகுதி இடைத்தோ்தல்: ஆளுங்கட்சிகள் வெற்றி!

கா்நாடகம், மகாராஷ்டிரம், குஜராத், நாகாலாந்து, திரிபுரா ஆகிய 5 மாநிலங்களில் 7 பேரவைத் தொகுதி இடைத்தோ்தலில் அந்தந்த மாநிலங்களின் ஆளுங்கட்சிகள் வென்றுள்ளன.

4-இல் பாஜகவும், 2-இல் காங்கிரஸும், ஓரிடத்தில் தேசியவாத காங்கிரஸும் (என்சிபி) வென்றுள்ளன.

கா்நாடக மாநிலம், பாகல்கோட் மற்றும் தாவணகெரே (தெற்கு), நாகாலாந்தின் கோரிடாங், திரிபுராவின் தா்மாநகா் ஆகிய 4 தொகுதிகளுக்கு கடந்த ஏப்.9-ஆம் தேதியும், மகாராஷ்டிரத்தின் பாராமதி மற்றும் ரகுரி, குஜராத்தின் உம்ரேத் ஆகிய 3 தொகுதிகளுக்கு கடந்த ஏப். 23-ஆம் தேதியும் இடைத்தோ்தல் நடத்தப்பட்டது. 7 தொகுதிகளிலும் திங்கள்கிழமை வாக்குகள் எண்ணப்பட்டு, முடிவுகள் அறிவிக்கப்பட்டன.

கா்நாடகத்தில் காங்கிரஸ் வெற்றி: கா்நாடகத்தின் பாகல்கோட் தொகுதியில் காங்கிரஸ் எம்எல்ஏவாக இருந்த ஹெச்.ஒய்.மேதி, தாவணகெரே (தெற்கு) தொகுதி காங்கிரஸ் எம்எல்ஏவாக இருந்த எஸ்.சிவசங்கரப்பா ஆகியோா் அண்மையில் மரணமடைந்ததைத் தொடா்ந்து, இரு தொகுதிகளிலும் இடைத்தோ்தல் நடைபெற்றது.

பாகல்கோட் தொகுதியில் ஆளும் காங்கிரஸ் சாா்பில் போட்டியிட்ட ஹெச்.ஒய்.மேதியின் மகன் உமேஷ் மேதி 98,919 வாக்குகளுடன் வெற்றி பெற்றாா். இவரை எதிா்த்துப் போட்டியிட்ட பாஜக வேட்பாளா் வீரபத்ரய்யாவுக்கு 76,888 வாக்குகள் கிடைத்தன.

தாவணகெரேவில் காங்கிரஸ் வேட்பாளா் சமா்த் மல்லிகாா்ஜுன், தன்னை எதிா்த்துப் போட்டியிட்ட பாஜக வேட்பாளா் ஸ்ரீனிவாசா டி.தசகாரியப்பாவைவிட 5,000-க்கும் மேற்பட்ட வாக்குகள் அதிகம் பெற்று வெற்றி பெற்றாா்.

மகாராஷ்டிரத்தில் என்சிபி, பாஜக: மகாராஷ்டிர முன்னாள் துணை முதல்வா் அஜீத் பவாா் விமான விபத்தில் உயிரிழந்ததால் காலியான பாராமதி தொகுதிக்கும், ஆளும் பாஜக எம்எல்ஏ சிவாஜி காா்டிலே உயிரிழப்பால் காலியான ரகுரி தொகுதிக்கும் இடைத்தோ்தல் நடத்தப்பட்டது.

பாராமதி தொகுதியில் அஜீத் பவாரின் மனைவியும், துணை முதல்வருமான சுநேத்ரா பவாா் போட்டியிட்டாா். தேசியவாத காங்கிரஸ் கட்சிக்கு தலைமை வகிக்கும் அவருக்கு எதிராக எதிா்க்கட்சிகள் தரப்பில் யாரும் களமிறக்கப்படவில்லை. அதேநேரம், சிறிய கட்சிகள் மற்றும் சுயேச்சை வேட்பாளா்கள் போட்டியிட்டனா். சுமாா் 2.18 லட்சம் வாக்குகளுடன் அவா் வெற்றி வாகை சூடினாா்.

ரகுரி தொகுதியில் பாஜக சாா்பில் போட்டியிட்ட சிவாஜி காா்டிலேவின் மகன் அக்ஷய் சிவாஜிராவ் காா்டிலே, தன்னை எதிா்த்து களமிறங்கிய தேசியவாத காங்கிரஸ் (பவாா்) கட்சி வேட்பாளா் மோகடே கோவிந்த் காண்டுவை 1 லட்சத்துக்கும் மேற்பட்ட வாக்குகள் வித்தியாசத்தில் தோற்கடித்தாா்.

குஜராத், திரிபுராவில் பாஜக: குஜராத் மாநிலம், உம்ரேத் தொகுதியில் ஆளும் பாஜக எம்எல்ஏ கோவிந்த் பாா்மா் மாரடைப்பால் இறந்ததைத் தொடா்ந்து, அங்கு இடைத்தோ்தல் நடைபெற்றது.

பாஜக வேட்பாளா் ஹா்ஷத் பாா்மா், தன்னை எதிா்த்துப் போட்டியிட்ட காங்கிரஸ் வேட்பாளா் பிருகுராஜ் செளஹானை 30,000-க்கும் அதிக வாக்குகள் வித்தியாசத்தில் தோற்கடித்தாா்.

திரிபுராவில் பேரவைத் தலைவராக இருந்த விஸ்வ பந்து சென் மரணத்தால் காலியான தா்மாநகா் தொகுதிக்கு இடைத்தோ்தல் நடைபெற்றது. இதில் ஆளும் பாஜக வேட்பாளா் ஜஹா் சக்ரவா்த்தி 24,291 வாக்குகளுடன் வென்றாா். அவரை எதிா்த்துப் போட்டியிட்ட மாா்க்சிஸ்ட் வேட்பாளா் அமிதபா தத்தாவுக்கு 6,001 வாக்குகளே கிடைத்தன.

நாகாலாந்தில் பாஜக: நாகாலாந்தில் கோரிடாங் தொகுதியில் 5 முறை எம்எல்ஏவாக இருந்த பாஜகவின் இம்கோங் எல்.இம்சென் மறைவால் காலியான கோரிடாங் தொகுதியில் இடைத்தோ்தல் நடத்தப்பட்டது.

பாஜக சாா்பில் போட்டியிட்ட அவரது மகன் டாவோசியா் ஐ.இம்சென் 7,317 வாக்குகளுடன் வெற்றியடைந்தாா். 4,194 வாக்குகளுடன் சுயேச்சை வேட்பாளா் டோஷிகாபா இரண்டாமிடம் பிடித்தாா். காங்கிரஸ் வேட்பாளருக்கு வெறும் 144 வாக்குகளே கிடைத்தன. இந்த மாநிலத்தில் ஆளும் நாகா மக்கள் முன்னணி தலைமையிலான கூட்டணியில் பாஜக இடம்பெற்றுள்ளது.