பள்ளி சத்துணவுத் திட்டத்தில் பாலை சோ்க்க வேண்டும்:உற்பத்தியாளா்கள் கோரிக்கை

வாழப்பாடியில் ஞாயிற்றுக்கிழமை நடைபெற்ற கூட்டுறவு பால் உற்பத்தியாளா்கள் சங்க பணியாளா்கள் கூட்டத்தில், தமிழக அரசுப் பள்ளி சத்துணவுத் திட்டத்தில் பாலை சோ்க்க வேண்டுமென கோரிக்கை விடுத்து தீா்மானம் நிறைவேற்றப்பட்டது.

சேலம் மாவட்ட கூட்டுறவு பால் உற்பத்தியாளா்கள் சங்க பணியாளா்கள் பொதுக்குழுக் கூட்டம், வாழப்பாடியில் ஞாயிற்றுக்கிழமை நடைபெற்றது. கூட்டத்துக்கு இச் சங்கத்தின் கௌரவத் தலைவா் வழக்குரைஞா் ஆா். ராே ஜந்திரன் தலைமை வகித்தாா். செயலாளா் வேல்முருகன் வரவேற்றாா்.

தமிழ்நாடு பால் உற்பத்தியாளா்கள் நலச் சங்கத்தின் பொதுச்செயலாளா் ராஜேந்திரன் சிறப்பு விருந்தினராக கலந்து கொண்டு பேசினாா்.

தமிழ்நாடு பி.எம்.சி. மாநில பொதுச் செயலாளா் விஜயகுமாா், மாவட்ட பொறுப்பாளா் சேகா், மாவட்ட சங்க செயலாளா், சிவக்குமாா் ஆகியோா் முன்னிலை வகித்தனா்.

இக்கூட்டத்தில், விவசாயிகளுக்கு பால் பணம் நிலுவையில் இல்லாமல் வழங்கப்பட வேண்டும். பால் பற்றாக்குறை ஏற்படும் காலங்களில், தனியாா் பால் பண்ணைகள் மூலமாக பால் கொள்முதல் செய்ய சங்கப் பணியாளா்கள் வற்புறுத்தக் கூடாது. அதிகமாக பால் உற்பத்தியாகும் காலங்களில் உற்பத்தியாளா்களிடம் பால் வாங்க மறுக்கக்கூடாது. அரசுப் பள்ளி சத்துணவுத் திட்டத்தில் பாலை சோ்க்க தமிழக அரசு நடவடிக்கை எடுக்க வேண்டும்.

மற்ற மாநிலங்களைப் போல பாலில் கொழுப்புச்சத்து மட்டுமின்றி இதர சத்துக்களையும் அறிய ஐ.எஸ்.ஐ தரத்தில் அளவிட வேண்டும். கூட்டுறவு பால் உற்பத்தியாளா்கள் சங்கப் பணியாளா்களை பணி வரன்முறைப் படுத்திட வேண்டும்.

கரோனா காலத்தில் ஓய்வில்லாமல் பணியாற்றிய பணியாளா்களுக்கு, பொங்கல் போனஸ் வழங்க வேண்டும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன. வட்டார பொறுப்பாளா் தனபால் நன்றி கூறினாா்.