ஆடவர் தேசிய ஹாக்கி: மே 28 முதல் புணேவில் தொடக்கம்

சீனியர் ஆடவர் தேசிய ஹாக்கி சாம்பியன்ஷிப் போட்டியை புணே நடத்துகிறது. இப்போட்டிகள் வரும் மே 28 முதல் ஜூன் 10-ம் தேதி வரை நடைபெற உள்ளது.

அதேபோல், மகளிர் தேசிய ஹாக்கி சாம்பியன்ஷிப் போட்டி லக்னெüவில் ஏப்ரல் 30-ம் தேதி முதல் தொடங்குகிறது. இத்தகவல்களை ஹாக்கி இந்தியா திங்கள்கிழமை அறிவித்தது. இதைத் தொடர்ந்து, ஜூனியர் மற்றும் சப்-ஜூனியர் தேசிய ஹாக்கி சாம்பியன் போட்டி தொடங்கும் நாள் மற்றும் போட்டி நடைபெறும் இடங்கள் குறித்த தகவல்களும் வெளியிடப்பட்டன.

ஜூனியர் ஆடவர் சாம்பியன்ஷிப் போட்டி மே 27 முதல் ஜூன் 6-ம் தேதி வரை நடைபெற உள்ளது. ஜூனியர் மகளிர் போட்டி ஏப்ரல் 19 முதல் மே 1-ம் தேதி வரை நடைபெற உள்ளது.