காவிரி: முழு அடைப்பு போராட்டத்தால் பெரிய அளவில் பேருந்து சேவையில் பாதிப்பில்லை

தமிழகத்தில் முழு அடைப்பு நடைபெற்று வந்தாலும் பெரிய அளவில் பேருந்து சேவை பாதிக்கப்படவில்லை.

காவிரி மேலாண்மை வாரியம் அமைக்காத மத்திய அரசை கண்டித்து திமுக தலைமையில் எதிர்க்கட்சிகளின் முழு அடைப்பு போராட்டம் இன்று தொடங்கியது. முழு அடைப்பு போராட்டம் தமிழகத்தில் நடைபெற்று வந்தாலும் பேருந்து சேவையில் பெரிய அளவில் பாதிப்பில்லை எனக் கூறப்படுகிறது.

சென்னை மற்றும் புறநகரில் பெரும்பாலான அரசுப் பேருந்துகள் இயக்கப்பட்டு வருகின்றன. கன்னியாகுமரி மாவட்டத்தில் 80 % அரசுப் பேருந்துகள் இயக்கப்பட்டு வருகின்றன. விருதுநகரில் 85 % பேருந்துகளும், திருவள்ளூர் மாவட்டத்தில் 100 % பேருந்துகளும் இயக்கப்பட்டு வருகின்றன.