மின்தடை நேரம் மாற்றம்

திருவள்ளூர் மற்றும் அதன் சுற்றுப் பகுதிகளில் புதன்கிழமை முதல் (மே 1) மாத சுழற்சி முறையில் மின் தடை நேரம் மாற்றி அமைக்கப்பட்டுள்ளது.

இது குறித்து திருவள்ளூர் செயற்பொறியாளர் வெளியிட்டுள்ள செய்திக் குறிப்பு:

மாற்றி அமைக்கப்பட்ட புதிய நேரம்:

மாவட்ட ஆட்சியர் அலுவலகம், விருந்தினர் மாளிகை, சி.வி.நாயுடு சாலை, ஜெயா நகர், பூங்கா நகர், என்.ஜி.ஓ.காலனி, நேதாஜி சாலை, எடப்பாளையம், பஜார் வீதி, காக்களூர் ஹவுசிங் போர்டு, மோதிலால் தெரு ஆகிய பகுதிகளில் காலை 6 மணி முதல் 10 மணி வரையிலும், பிற்பகல் 2 மணி முதல் 4 மணி வரை மின் தடை ஏற்படுத்தப்படும்.

மணவாளநகர், ஒண்டிக்குப்பம், போளிவாக்கம், கொப்பூர், மேல்நல்லாத்தூர் ஆகிய பகுதிகளில் காலை 8 மணி முதல் பகல் 12 மணி வரையிலும், பிற்பகல் 2 மணி முதல் 6 மணி வரையிலும் மின் தடை ஏற்படுத்தப்படும். 

ஜே.என்.சாலை, பெரியகுப்பம், ஆயில் மில் மற்றும் லான்சர், கேட்டர் பில்லர், டி.சி.எல். ஆகிய பகுதிகளில் காலை 6 மணி முதல் 10 மணி வரையிலும், பகல் 12 மணியில் இருந்து 2 மணி வரையிலும், மாலை 4 மணி முதல் 6 மணி வரையிலும் மின் விநியோகம் நிறுத்தப்படும். 

காக்களூர் சிட்கோ தொழிற்பேட்டை மற்றும் ஆஞ்சநேயபுரம் பகுதிகளில் காலை 6 மணி முதல் 8 மணி வரையிலும், பகல் 12 மணி முதல் 6 மணி வரையிலும் மின்தடை ஏற்படுத்தப்படும்.

இவ்வாறு அதில் கூறப்பட்டுள்ளது.