தங்கம், வெள்ளி விலை குறைந்தது! எவ்வளவு தெரியுமா?

சென்னையில் ஆபரணத் தங்கத்தின் விலை இன்று(ஏப். 28) சவரனுக்கு ரூ. 1,040 குறைந்தது.

கடந்த வாரம் தொடக்கம் முதலே தங்கத்தின் விலை தொடர்ந்து குறைந்த வண்ணம் இருந்தது. 5 நாள்களில் சவரனுக்கு ரூ. 2,080 குறைந்து, வெள்ளிக்கிழமை சவரன் ரூ.1,12,800-க்கு விற்பனையானது.

இதையடுத்து, வாரத்தின் இறுதி நாளான சனிக்கிழமை தங்கம் விலை கிராமுக்கு ரூ. 100 உயர்ந்து ரூ.14,200-க்கும், சவரனுக்கு ரூ. 800 உயர்ந்து ரூ. 1,13,600-க்கும் விற்பனையானது.

வாரத்தின் முதல் நாளான நேற்று(ஏப். 27) தங்கம் விலை சவரனுக்கு ரூ. 240 உயர்ந்து ஒரு சவரன் ரூ. 1,13,840-க்கு விற்பனை செய்யப்பட்டது.

இந்த நிலையில், ஆபரணத் தங்கத்தின் விலை இன்று கிராமுக்கு ரூ. 130 குறைந்து ஒரு கிராம் ரூ. 14,100-க்கும், சவரனுக்கு ரூ. 1,040 குறைந்து ஒரு சவரன் ரூ.1,12,800-க்கும் விற்பனை செய்யப்படுகிறது.

வெள்ளி விலை கிராமுக்கு ரூ. 5 குறைந்து ஒரு கிராம் ரூ. 265-க்கும், ஒரு கிலோ (கட்டி வெள்ளி) ரூ. 5,000 குறைந்து ரூ .2.70 லட்சத்துக்கும் விற்பனையாகிறது.