டேப்லெட் கம்ப்யூட்டர்: பிரிட்டனில் ஆண்களை மிஞ்சிய பெண்கள்

பிரிட்டனில் டேப்லெட் கம்ப்யூட்டர்களை வைத்திருப்பவர்களின் எண்ணிக்கையில் ஆண்களை விட பெண்களே அதிகம் உள்ளனர்.

சர்வதேச அளவில் ஒரு நாட்டில் ஆண்களை விட பெண்கள் அதிக அளவு கம்ப்யூட்டர்களை வைத்திருப்பதும், பயன்படுத்துவதும் இதுவே முதல்முறை.

பிரிட்டனில் 2012-ம் ஆண்டில் டேப்லெட் கம்ப்யூட்டர்களை வைத்திருந்த பெண்கள் 43 சதவீதமாக இருந்தனர். 2013-ம் ஆண்டில் இது 52 சதவீதமாக அதிகரித்துள்ளது.

இதே காலகட்டத்தில் டேப்லெட்களை பயன்படுத்தும் ஆண்களின் எண்ணிக்கை 57 சதவீதத்தில் இருந்து 48 சதவீதமாகக் குறைந்துள்ளது. 18 முதல் 34 வயதுக்குள்பட்ட பெண்களே பெருமளவில் டேப்லெட்களை வைத்துள்ளனர்.

பிரிட்டனில் 18 வயதுக்கு மேற்பட்டவர்களில் 22 சதவீதம் பேர் தனிப்பட்ட முறையில் டேப்லெட் கம்யூட்டர்களை வாங்கிப் பயன்படுத்தி வருகின்றனர்.

அதே நேரத்தில் சந்தையில் புதிய ரக டேப்லெட் வந்தவுடன், அதனை வாங்குவதில் ஆண்களே அதிக ஆர்வம் காட்டுகின்றனர்.