என் மகளின் எதிர்காலம், ஆரோக்கியம், படிப்பு, வேலை எப்படி இருக்கும்? நாங்கள் அனைவரும் வெளிநாடு (கனடா) சென்று வாழும் அமைப்பு உண்டா? 8-இல் புதன், சூரியன் நன்மையா? - வாசகர், சேலம்

உங்கள் மகளுக்கு கன்னி லக்னம், அனுஷ லக்னம், விருச்சிக ராசி. லக்னம் மற்றும் தொழில் ஸ்தானத்திற்கு அதிபதியான புதபகவான் அஷ்டம ஸ்தானத்தில் உச்சம் பெற்ற அயன ஸ்தானாதிபதியான சூரியபகவானுடன் இணைந்திருப்பது சிறப்பு. இதனால் புதபகவானின் கேந்திராதிபத்ய தோஷம் நீங்கி விடுகிறது. இந்த ஆண்டு நவம்பர் மாதத்திற்குப்பிறகு புதபகவானின் தசையும் நடக்க இருப்பது நலமாகும். "மறைந்த புதன் நிறைந்த மதி, நிறைந்த நிதி' என்ற ஜோதிட வழக்கிற்கு ஏற்ப புதபகவானின் தசையில் அவருக்கு நல்ல படிப்பு, நல்ல வேலை ஆகியவை கிடைத்துவிடும். ஆரோக்கியத்திலும் எந்த பாதிப்பும் ஏற்படாது. லாபாதிபதியும் தைரிய ஸ்தானாதிபதியும் நீச்சம் பெற்று பரிவர்த்தனையும் பெற்று இருப்பதால் இதனை பரிவர்த்தனை ராஜயோகம் என்று கூறுவார்கள். அதனால் திடீர் அதிர்ஷ்ட வாய்ப்புகள் தேடி வரும். குடும்பத்துடன் கனடா போன்ற மேற்கத்திய நாடுகளுக்குச் சென்று நிரந்தரமாக வசிக்கும் யோகம் உண்டாகும். எதிர்காலம் வளமாக அமையும்.