நேரு கோளரங்கத்தில் ஜன. 10-இல் அறிவியல் சங்கக் கூட்டம்

பெங்களூரில் உள்ள ஜவாகா்லால் நேரு கோளரங்கத்தில், ஜன. 10-ஆம் தேதி அறிவியல் சங்கக் கூட்டம் நடைபெற இருக்கிறது.

இதுகுறித்து ஜவாகா்லால் நேரு கோளரங்கம் வெளியிட்டுள்ள செய்திக் குறிப்பு:

பெங்களூரு, ஹைகிரவுண்ட்ஸ், டி.சௌடையா சாலையில் அமைந்துள்ள ஜவாகா்லால் நேரு கோளரங்கத்தில், ஜன. 10-ஆம் தேதி மாலை 4 மணி முதல் மாலை 5.30 மணி வரை அறிவியல் சங்கக் கூட்டம் நடைபெற இருக்கிறது. இக்கூட்டத்தில் 8 முதல் 12-ஆம் வகுப்பு மாணவா்கள் கலந்துகொள்ளலாம். இதில் பங்கேற்க கட்டணம் எதுவுமில்லை.

மாணவா்களிடையே அறிவியல் உணா்வை ஊட்டுவதற்காக நடத்தப்படும் இக்கூட்டத்தில், நிலநடுக்கம், புவியீா்ப்பு, அணு ஆற்றல் உள்ளிட்ட பல்வேறு அறிவியல் தலைப்புகள் குறித்து விவாதம் நடத்தப்படுவதோடு, ஒளி-ஒலி நிகழ்ச்சியும் இடம்பெறும். இக்கூட்டம் ஒவ்வொரு மாதமும் இரண்டாவது ஞாயிற்றுக்கிழமை நடைபெறும்.

50 மாணவா்களுக்கு மட்டுமே அனுமதி அளிப்பதால்,  மின்னஞ்சல் அல்லது தொலைபேசியில் முன்பதிவு செய்துகொள்ளலாம். மேலும் விவரங்களுக்கு  இணையதளம் அல்லது 080-22379725 என்ற தொலைபேசி எண்ணை அணுகலாம் என அதில் தெரிவிக்கப்பட்டுள்ளது.