வடசென்னை படப்பிடிப்பில் தனுஷ்!

ப.பாண்டி படத்தை இயக்கி முடித்தவுடன் அதன் வெளியீடு வரை பொறுமை காக்காமல் வட சென்னை படப்பிடிப்பில் இணைந்துள்ளார் தனுஷ்.

வெற்றிமாறன் இயக்கத்தில் வடசென்னை படத்தில் நடித்துவருகிறார் தனுஷ். நடுவில் கெளதம் மேனன் படம் மற்றும் தான் இயக்கும் ப. பாண்டி படங்களுக்காக அப்படப்பிடிப்பைக் கடந்த நவம்பர் மாதத்தின்போது சிறிது காலம் தள்ளி வைத்தார்.

இந்நிலையில் தனுஷ் இயக்கியுள்ள ப.பாண்டி படம் ஏப்ரல் 14 அன்று வெளிவரவுள்ளது. இப்படத்தின் வெளியீடு வரை பொறுமை காக்காமல் மீண்டும் வடசென்னை படப்பிடிப்புத் திரும்பியுள்ளார் தனுஷ். இதுகுறித்து அவர் இன்று ட்வீட் செய்துள்ளார்.

வெற்றிமாறன் இயக்கும் வடசென்னை படத்தில் தனுஷ், அமலா பால் போன்றோர் நடிக்கிறார்கள்.