விரைவில் பாகுபலி 2 டிரெய்லர்!

பிரபாஸ், ராணா டகுபதி, அனுஷ்கா, தமன்னா, சத்யராஜ், ரம்யா கிருஷ்ணன் போன்றோர் நடிப்பில் தெலுங்கு, தமிழ், மலையாளம், ஹிந்தி ஆகிய மொழிகளில் உருவான படம் - பாகுபலி. இதனை இயக்கியவர், ராஜமெளலி.

ரூ. 600 கோடி வரை வசூலித்து பல சாதனைகளைச் செய்த பாகுபலியின் 2-ம் பாகமான, 'பாகுபலி தி கன்க்ளூஷன்’ படத்தின் படப்பிடிப்பு முடிவடைந்துள்ளது. தற்போது இறுதிக்கட்டப் பணிகள் நடைபெற்று வருகின்றன. ஏப்ரல் 28 அன்று பாகுபலி 2 வெளிவருகிறது. கோடைக்கால விடுமுறை சமயத்தில் படம் வெளிவருவதால் முதல் பாகத்தை விடவும் அதிகம் வசூலிக்கும் என்கிற எதிர்பார்ப்பு உருவாகியுள்ளது.

இந்நிலையில் விரைவில் பாகுபலி 2 படத்தின் டிரெய்லர் வெளிவரவுள்ளது. இதுகுறித்து அந்தப் படத்தின் ஒளிப்பதிவாளர் கே.கே. செந்தில் குமார் ட்விட்டரில் கூறியதாவது: பாகுபலி 2 டிரெய்லருக்காக அன்னபூர்ணா ஸ்டூடியோவில் வேலை செய்துகொண்டிருக்கிறேன் என்று கூறியுள்ளார்.